Schweizer Stammtisch??

[Nimara]

Hallo zämä

Merci viumau für eui Besserigswünsch! *gerührtbin*

Mim Bei geits sosolala, tuet haut chli weh, aber das isch nid so schlimm. Houptsach isch, dases d Speedy nid schlimmer verwütscht hett!

Bi grad vo Trimbach heicho, isch öpper vo öich öppe dert gsi? Bi nume hurti gsi gah ineluege mitem Outo. Bi schönem Wätter isch haut scho meh los. Hoffe nächschte Donnschti sigs de wieder schön u warm.

@Alessandro, jep ig ha dis Mail mit de Föteli becho, merci viumau! Gseht guet us dä Topf. We dä no so schön tönt wie är usgseht, de wär das perfekt. Muesch mer ne mau einisch vorfüehre. Vom Pris här isch für mi okay, aber äs wird äuä scho eher so gäge Herbscht/Winter bis ig ne cha näh.

Liebi Grüessli

Corinne

[Alessandro595]

An Alle vom CH Stammtisch:

Wie viele von euch haben eine Daytona oder haben alle Speedys ?

Hallo Corinne

Es freut mich das es dir besser geht.

Das mit dem Topf sollte schon in Ordnung sein wegen Herbst oder Winter.

Definitiv kann ich es dir sagen wenn ich meinen Eierwärmer (underseat exhaust PowerMax) dran habe

Ich habe ja noch selber den originalen Topf im Keller und 3 Töpfe brauche ich wirklich nicht.

Gerne möchte ich auch einmal wieder nach Trimmbach kommen , aber ich muss schauen wenn es mir geht wegen der Arbeit .

Keine Angst du wirst mich schon erkennen , entweder beim hören oder du siehst den Schwarzen Ritter :ninja:

Liebe Grüsse Alessandro595

[Merlin]

@Alessandro:

Also so wie ich das gseh ha, bin ich i de Rundi bis jetzt der einzig mit ere Daytona!

Die gelb Daytona zählt eigentlich nöd, wil de Markus nöd im Forum isch. Die wird jetzt sowieso verchauft!

Oh, sorry, de Mischa hätt ja au no eini, nur umbaut uf Speedy!

@Mischa:

Ich han hüt es Päckli us Zug mit emene BP-Logo übercho! Es liet im Moment no im Auto, da ich jetzt Nachtdienst han, ich has vor em schaffe scho no schnell müesse go hole! FREU! Mal luege wänn i dezue chum die Dinger izbaue! Merci!

Also passed uf Eu uf und mached kei Landschade!

[Alessandro595]

Hallo merlin

Wie hast du das gemacht, ein Foto ins Mail reinzuschleusen??

Habe es auch schon versucht aber da ging nichts.

Wäre froh wenn du mir sagen könntest wie....

Ich denke eine Daytona mehr in der Runde schadet nichts oder?

Wie gesagt, meine Lady ist noch nicht fertig, aber der Winter kommt bestimmt...

Grüsse

Alessandro595

[speedtriple.ch]

@alessandro595: öm, föteli is mail ineschlüüse? oder hesch gmeint da im forum? da im forum gaht's nur, wenn d föteli irgendwo susch uf em internet ufeglade hesch. denn chasch das folgendermasse im bitrag linke: "[ IMG]http://www.beispiel.ch/fotos/foto1.jpg[/ IMG]". aber ohni abständ vor "IMG". alles klar?

triplegruess

robin

Bearbeitet 25. Juli 2003 von speedtriple.ch

[Manowar]

@Corrine

Ich bi geschtert in trimmbach gsi, isch aber nt viel los gsi........... ( nume 2 anderi Speedys hän sich kurz zeigt...... e Orangi und e schwarzi... :( )

Triple grüsse Pat

[Manowar]

@all

Weiss öbber wär das 1. Speedy Träffe am 17. August organisiert?Das wär doch au öbbis wo me chönnt go.......... Die würde luege wenn mir dört mit 10- 15 Triples ufftauche würde........

[cutf]

@ Manowar, he du alte chrieger, scho lang nümme gseh z'Basel, was isch? Machsch d'Strasse nüme unsicher? Ich wär am 17.8.03 eventuell au debi... was isch mit dä andere (he, wo sind d'Innerschwiizer Raser?)

Mauro

[Nimara]

@Pat

wo bisch de du ghöcklet? Ig bi ganz z vorderscht, am üsserschte Tisch gsässe. Am haubi zähni si mer wieder gange. Isch würklech nid viu los gsi, u mitem Outo isches nume halb so schön! Z nächschte Mau bi ig hoffentlech wieder mit dr Speedy dert azträffe.

@all

Am 17.8. chani leider nid derbi si! Bi denn am Töffträffe z Laax! Schad!

Bearbeitet 25. Juli 2003 von Nimara

[Alessandro595]

Hallo Merlin

Uhhh, schöööni Daytona hesch!!!

Gel, es ist schon anders als ein Speedy.

Sorry Speedy Freude, es ist nicht böse gemeint

Gruss

Alessandro595

[speedtriple.ch]

@alessandro595:

Gel, es ist schon anders als ein Speedy.

*zynikmodus on*

ja hesch rächt, het so unnützes züg wie en verschalig, zwei rückspiegel und so komischi stummellänker drah... die bräched eh nur ab, gäll merlin!

*zynikmodus off*

triplegrüess

robin

[speedfreak.ch]

@alessandro: eso en daytona isch scho au ganz nett, nur schleppsch da viel z'viel unnötigs gwicht mit dur gägend (ich dörf das säge, han ja au en daytona gha, bis alli teili "abbrösmelet" sind)...

@mauro: wer meinsch du mit "innerschwiizer raser"? ich kenne kei raser i de innerschwiiz, nume en sööseler und es paar kabelspanner!

@all: 17.08.2003 isch echli ungünschtig, bi üs wird am 16. wieder mal ganz schön trunke...

triplegrüess, mischa

Bearbeitet 25. Juli 2003 von day-triple

[Merlin]

Immer die Süffer!!!

*zynikmodus on*

@ Mischa: Also ich han eigentlich gmeint ich chume vo Dir wisse Blinker über und kei schwarzi!

*zynikmodus off*

Also ich wäre vermuetlich debi am 17.! Mal luege öb nüt de zwüsched chunt.

Allne es schöns Weeky!

Bearbeitet 26. Juli 2003 von Merlin

[Merlin]

@ Robin:

Alte Schinder, jetzt häsch mi dänn grad überholt mit Dine Biträg, das gits doch gar nöd!

*schindmodus on*

So grad no schnell eine schriebe!

*schindmodus off*

[Nimara]

Huhu zämä

Morn isch Supermotard in Buchs AG.

Gange mau gah verbigüggsle! Geit öpper vo euch ou?

Ah ja, ha no äs Thema uftah wägem Tankrucksack. Weiss nid wele das besser isch, SBF oder original Triumph. We dir eine heit, was für eine? Tät mi no so interessiere. Bim SBF fingeni d Befeschtigung besser. (Klettverschluss, also keni scheuernde Rieme)

Grüessli

Corinne

[Ducischreck]

guete morge zäme

i be ou weder mou do.

17. ougust tönt guet. be wahrschinlech ou debi. je nach wätter natürlech. wär toll sech weder mou z'träffe.

rööhrli

fabrice

[Manowar]

@Fabrice

Mir könte jo zäme anefahre

Triple Grüsse @all Pat

Bearbeitet 28. Juli 2003 von Manowar

[cutf]

@ Fabrice

...und bisch am Samschtig no im Schwarzwald gsi? Ich has am Samschtig grad mal 1 Stund uf em Hobel verbracht, devo 45 min. uf ere Duke, isch luschtig, aber dä ander wo mini gfahre isch, hät nachher s'grössere Smile gha...

Wägem 17.8. meld i mi spöter no a. Chunnt druf a öb i dänn in CH bin oder im Usland...

Gruess, Mauro

[speedtriple.ch]

@merlin:

also das mit de süüfer hani denn überhört, hä! cha ja au nüt defür das all kabelspanner-träffe immer denn müend si, wenn mier mal fäscht hend

und mit em schinde: wider gliichstand!!!

triplegrüess

[Alessandro595]

Ich komme nochmals zurück auf die "unnötigen Teile" einer Daytona:

Da ich schon ein "nacked Bike" besitze (Kawa Z1 900 Jg. 73 original Zustand 1A ) muss ich nicht ein Umbau machen um einen Motor zu sehen .

Aber ich denke eine Daytona mehr, bringt Farbe (und Sound) ins Spiel. gel Merlin

Also T5 Gemeinde, bis bald.

Gruss Alessandro595

p.s. Geht jemand vom Stammtisch nach Trimmbach am Donnerstag? Dieser Donnerstag ist ja wie einen Samstag...

Vielleich kann ich meine Lady (und meine Frau) auch überzeugen zu kommen .

[Ducischreck]

@pat:

yep.. mer chönnte sicher zäme fahre. müesst me haut no abmache.

@mauro:

yep.. mer send no im schwarzwaud gsi. esch kablig gsi

@corinne:

hesch mini combox-nachrecht no öbercho?

@all:

i ha weder mou es chläfele a mim schätzi. de robin het mer jo chorz gseit gha wie d'chetti spanne. esch den för e moment ou guet gsi. mettlerwile chläfelets weder. ond das aber nor wenn i abem gas gang. me dönkts es chonnt vo vore lenks. kennt das öpper vo euch?

cha das scho weder d'chetti si? i ha si mou agluegt ond ou mou s'zahnrad beguetachtet.... gseht alles no einigermasse gsond us.

he... es schööööns tägli

röööhring greetz

fabrice

[Nimara]

Hallo zämä

Im Benzingerede-Forum "An die CH-User" hett eine das dri gschriebe:

Ausfahrt anllässlich der Gewerbeausstellung (GA03) am 24.08.2003. Ab 09:00 Uhr treffen am Triumph-Stand in Grossaffoltern. Ab 11:30 Uhr ist dann die Ausfahrt entlang der GA03. Ca. 14:30 Uhr Rückkehr nach Grossaffoltern.

Tönt ou no guet, oder? Isch vo dr Garage E.Uhlmann, Grossaffoltern. Da ig am 17.8. nid derbi cha si, chani derfür denn gah! *freu* Wär chiem ou no mit?

@Alessandro, ig gange bi guetem Wätter am Donnschti ganz sicher uf Trimbach!

Wär chunnt ou no? Würd mi freue no äs paar meh vo euch persönlech kennezlehre. Mit zwöine flotte Herre hani scho z Vergnüege gha!

@Fabrice, ig ha d Combox ersch hüt chönne ablose, grrrr, sch.... Natel! Mues itz de öppe äs nöis ha. Wirde dire Schwoscht diä no Wuche alüte, interessiert mi drum scho sehr! Danke no einisch viumau!

Liebi Grüessli

Corinne

[Ducischreck]

i be am donnschti ned ome. mer gönd go brötle...

es anders mou weder

@corinne:

gärn gscheh... muesch haut luege öbs öppis esch.

rööhring greeetz

fabrice

[Nimara]

Hallöchen

Das isch ja still da inne? Wo heit dir öich aui versteckt?

Wär chunnt morn aues uf Trimbach? Ig bi ganz sicher dert, so wie's usgseht wird z Wätter gäge Abe wieder besser! *freu* U wie erkenne mer üs?

Bi geschter wiedermau mit mim Speedy-Schätzi ungerwägs gsi, u ig mues säge, ig "liebe" se vo Tag zu Tag meh! Isch haut scho öppis speziells, u d Lüt luege eim nache wie verruckt, egal wo meh uftoucht... Gniesse das auso scho chli, mitem Monsterli hani nid so Ufsehe erregt!

Liebi Grüessli

Corinne

[Manowar]

@Corrine

Ka morn nit cho,mir göhn morn go Feschte in Basel......

Triple griessli Pat