Schweizer Stammtisch??

[Alessandro595]

@all

Ich bin endlich als Member mit Fotos meiner Lady auf der Seite aufgenommen worden .

Bitte schauen unter:

http://www.t5net.de/daytona/members/595-fo...fotoalbum07.htm

Die Fotos sind zwar schon nicht mehr Aktuell (Blinker und Heck) und ein neuer Carbon-Hinterradschutz ist auch schon bestellt usw... :ninja: :ninja:

Aber sobald als möglich werde ich wieder neue machen .

Gruss Alessandro

[Mädi955]

Hoi zemma

Ich habe vor einiger Zeit von einem Kollegen erfahren das was in Laax laufen soll.

Aber ich weiss nicht mehr genau was.(Hab zuwenig gut zugehört)

Kann mich bitte jemand erleuchten?

Hier weiss glaub ich jeder um was es dort geht nur ich nicht .

TripleGrüsse

Martin

[cutf]

So richtig weiss es sicherlich nur d'Corinne, sie isch nämli det (und isch au scho det gsi) wänns mer rächt isch, isch es mehrheitlich äs Harley Träff, "anderi" sind aber au willkomme. Und ich glaube, diä ganz Strecki wird usschliesslich für Töfffahrer frei ghalte, dä rescht dörf glaubs nöd emal ue...

Bin hüt z'abig nöd in Trimbach, ich nimm mir d'Meldig vom Fabrice z'Herze

No en schöne Tag allne zäme und bis am Sunntig...

Mauro

[Merlin]

Hallo zäme!

Tja, wenn i im Moment useluege, dänn blibt mini Lady hüt i de Garage! Jetzt wärs endlich mal chüeler aber defür rägnets!!!!

D' Corinne isch doch hüt am Morge uf Laax! Das müesst i jetzt au nöd ha bi dem Wätter!

@ Mischa: S'Gäld söttsch eigentlich hüt übercho!

[speedfreak.ch]

@all: da ich mal in flims gwohnt han, weiss ich natürlich au öppe, was i de nachbarsgmeind eso lauft. s' "fat tire" isch eigentlich scho meh en harley-träff, es sind aber meischtens au öppe 20% richtige töff det... das ganze findet uf de "alp plaun" statt, was sich im winter mitte im schigebiet befindet. es het det eso tipis, fäschtbeize und en bühni für die böse rocker. öppe so. bin sälber nie gsii, isch aber beschtimmt no witzig!

@merlin: merci für de batze, hättisch aber nid eso müesse "jufle"!

@3-zylinder: au us de zentralschwiiz es "herzlichs willkomme" i üsere rundi!

@ed: so du sööseler, lang nüt meh ghört?! isch din pc gschmolze?

@fabrice: ich entscheide mich am samschtig definitiv, ob ich am sunntig au is furkajoch chume. ich denke aber scho. ich lüte dir denn no rasch a, ok?

also fertig. ich han ja scho bald wuchenend und sett no echli wietergusle ...

ich wünsch allne es schöns weekend, die eine oder andere setti ja denn wahrschinlich am sunntig gseh.

triplegrüess, mischa

[rönschi62]

Speddi Treffen Sonntag 17.08.03

Info unter Stammtisch

Gruss rönschi62

[Merlin]

Hi rönschi62!

Willkommen im T5net!

Mmm, also wen mir am 1030 h scho if em Furkajoch sind, dänn chönnts ev. hihaue! Ich han am Mittag scho öppis abgmacht, aber bis dänn bin i sicher wieder dehei! Mal luege!

Edit: Chan mir öpper säge, wo das Furkajoch eigentlich genau isch, ich han i de Geografie damals en Feischterplatz gha! Muess das doch chöne plane, wenn i ev. scho wott mitcho!

Bearbeitet 15. August 2003 von Merlin

[rönschi62]

Hallo Edit

Der Treffpunkt ist in 9444 Diepoldsau im ersten Rest. nach der Rheinbrücke an der

Hauptstrasse. Diepoldsau ist im St. Galler Rheintal ( !! Ohne Rheintal keine Schweiz!)

Anschliessend fahren wir gemeinsam über den Zoll nach Austria Richtung

Rankweil / Laterns aufs Furkajoch.

Das Furkajoch ist ein Meetingpoint für Biker aus BRD / Austria und CH.

Wir freuen uns Dich kennenzulernen.

rönschi62

[rönschi62]

salü Merlin

König Artus kann ich nicht bieten, aber die Reiter der T.........

und einen obernervösen Organisator.

Wir verlangen eine würdige Rede von ihm. Lass Dir das nicht entgehen.

rönschi62

[Manowar]

@Merlin

mir träffe uns um 07.30 an der Autobahnraschtstäte Kempttal.....

Triple Grüsse Pat

[Merlin]

So Lüt, das hät me jetzt davo, wenn mer mit em Hobel uf d'Piste gaht! Ich bin hüt nämli no schnell i de Garage gsi und han mal min Pneu hine aglueget! De gseht nüme so guet us und drumm bliebt mini Daytona dert wo sie im Moment isch, au stah. Ich chan mir das nöd Leiste uf e Tour zgah und uf em Heiweg in e Kontrolle z'cho und mini Lady dänn stah z'lah! Ich muess zerscht mal en neue Finke ha.

2. Han i morn scho öppis anders vor, wennt weisch was i mein!

3. Mag i sicher morn am Morge nöd use, wenn jetzt no (mit es paar Bier im Grind) no Biträg schribe!

Also macheds guet und dänked dra, viel Föteli z'schüsse! Blibed druf und immer schön am Kabel zieh!

[Manowar]

He das isch e super Usflug gsi hüt,das isch scho geil wenn in Rückspiegel luegsch und nume Speedys gsesch... (ca. 30 Stk!!!) :) :)

@Mauro and Fabrice

Ich ha die 360 Kurve uff Arosa no könne gniessse.....man das het gfätzt!! :) :) Ich bi ganz allei durchd Tunnel gfätzt und ha mi eigene Sound könne aloose..... ;)

@Mauro

Also ich gang sicher vom 29-31Auguscht uff Egliswil.....

@Fabrice

Hesch dr Blinker scho abgstellt?? :)

@All

S nägscht mol müend Ihr luege das Ihr au könnet cho,isch wirkligg genial gsi s Furkajoch Träff.......

Shark EG/ABE Grüsse Pat

[ospot]

yo zäme

do lauft jo rechtig öpis a dem stammtesch

fahre '95 triple ond hd '35.

apropos s'nägscht mol: de sommer esch nonig verbi, do wär doch no öpis möglech!? muess jo ned s'furkajoch si

mer send z'drette, alles schwarz, alles alt (die wo fertig/komplett usgsähnd, hehe ... )

het ziit för en usfahrt, anytime ... em momänt

gruess os em aargau

ospot

ps: die andere zwoi werde secher au no dezue schtosse

[slang]

ola oospot

bin au eine vo dänne wo scho en fertig bauti speedy het

bis zum nöchste usfährtli

[Mädi955]

Hoi zemma

@fabrice,mauro und pat

I hoff Ihr sind alli wia i, no guat vom 1.SpeedTriple-Treffa uf em Furka / A hamko.

Isch a mega geili Sach gse .

Soooooooooooviel Speedys uf einmal.... !!!! .

Das bim ERSTA Treffa!!!!!!

Einfach genial .

Mi häts am obed aber leider no uf d Schnorra gno .

Han a paar Schürwunda mit Verband zuagwicklet .

Isch zum Glück nüt brocha und nüt schlimmers passiert. .

Ha anera Krüzig im dunkla ned gsaha, das jemand Kies davor verlora hät.

Ha abbremset und ... schwupp s Vorderrädle isch weggrutscht.

Wenn i der verwöscht het wo der Seich verlora het, und vor allem lega lo hät.

Dem het i a Standpauka ghalta !!!!

Ähh dr Unfall isch den zum Glück ned met minera grüana Speedtriple passiert.

Min Roller hät lieda müassa .

TripleGrüass

Martin

Bearbeitet 18. August 2003 von Madmax

[Nimara]

Guets Mörgeli zämä

U scho bi ig wieder zrügg vo Laax! Gsund u munter u mis Schätzi isch ou heil bliebe. *grins* Si tolli vier Täg gsi, trotz Gwitterstürm mit Zelt häbe u so. Isch viu z schnäu düre gange, wär gärn no chli derte bliebe.

Dr Mischa hett öich das richtig verzeut gha, aber trotz Harley Träffe hetts ou mega viu angeri Markene dobe gha. So gar 3 Speedys hani gseh. Leider d Fahrer nid derzue.

Z Bild woni itz als Avatar ha, isch übrigens z Laax entstande. (denn isch mau für einisch chli schöns Wätter gsi..)

@rönschi62 & ospot

härzlech willkomme da bi üs i dere glatte Rundi!

Liebi Grüessli

Corinne

[cutf]

Guete Morge an alli, gäähhhnnn

Ja, isch würkli cool gsi geschter. No nie soviel Speedys uf eim Fläck gseh. Und die Lüüt, das hettäd ihr sölle gseh. Vom Junge, mit/ohni Fründin, über dä älteri (mit rosa-Speedy ) über dä Macho wod im Dunkle lieber nöd würsch begägne, über dä Raser (mit em super Fahrstil!) mit em 20-Jährige Lederkombi wo vo dä Spure her so ca. 2479 verschiedeni Gschichte verzellä chönnt über Fraue wo dä eigeni Töff vermuetlich jedem Liebhaber vorziend ....und all sind super mitenand uuscho!!!! E I N M A L I G !!!!

@ Merlin: Chan ich dir so ca. 1.5-2.0 Mb Bilder schicke um uf's Netz z'rüehre, ich weiss suscht nöd wiä und wo z'publiziere

@ Martin: Also, min liebe Martin, z'allererscht: Hoffentli hän mir es dir und diinere Fründin (sorry, weiss dä name nüme) das du bi eus willkomme bisch? Ja, ja, ich riite gern druf ume . Nei, Scherz, isch cool gsi eu zwei känne z'lerne. Extrem schad wäg dim unfall, het würkli nöd müese si. Wärsch mit dä Speedy gsi, hetsch der sicher weniger gmacht, aber däfür hetsch di sicher no me ufgregt... shit happens

@ Pat: Hey du, bisch durch diä 365 Kurve kroche oder wieso chasch du no Schriibe? Da wärs mir nachher ä so trümlig, dass i PC's vermuetli gar nüme finde würd Apropos, dä Fabrice und i sind geschter durch d'Tunnel ganz aständig gfahre, weisch, es hät ja scho spass gmacht, aber irgendwiä hät eus en bestimmte Finger von ere bestimmte Person gfählt

@ Slang: Schad bisch geschter nöd cho. Dä Stefan vo Erne's isch au mit ä T300 döt gsi, mänge hät dä Töff gnau aglueged und ihn mit Frage glöcheret

@ Rönschi: Da nomal mis lob für d'Organisation, isch würkli cool gsi

@ Ospot: Tritt ein, mach's dir bequem, nimm dir was zu trinken und geniesse die Show...

@ Nimara: Bisch demfall nöd grad wäggschwämmt worde, he? Häsch sicher luschtig gha...

@ all: Ich gsehne, eusi Schwiizer-T-Gmeind wird immer grösser und ich find das richtig COOOOLLL. Also, chräftig zuelege und dänn tüemer dä Atrag stelle um T5net.de in T5net.ch z'ändere äääähhhhmmm, chlini warnig, diä wo mich känned wüssed, das mis ghirn ab und zue blähige produziert also, nöd alles z'ernscht näh...

En schöne Tag allne zäme

Mauro

[Alessandro595]

Hallo zäme

Ja, das Speedy Treffen muss gut gewesen sein den Reaktionen nach.

Wäre gern dabei gewesen, aber sicher wäre es auch cool gewesen , wären ein paar Daytonas dabei gewesen .

Das nächste Mal liegt es hoffentlich drin und werde versuchen dem Club die Ehre zu geben .

Ich hatte am Wochenende eine richtige "Fuehr" mit meiner Daytona.

Gas Kabel gerissen. Musste die Lady stehen lassen . Ging zum Händler, Gas Kabel kaufen. Zurück in die Berge wo meine Lady wartete .

Grosse mechanischen Zauber und Murxs und das Gaskabel konnte mit Hilfe meiner Frau (!!) ersezt werden. Dannach ging es noch über den Schallenberg, Glaubenberg und den Brünig Richtung nach Hause .

@rönschi62 & ospot

Willkommen im Club .

Gruss an Alle Alessandro595

P.S. Wie sieht es aus mit Trimmbach am Donnerstag? By me, only wheater permitting!

[speedfreak.ch]

@all: hmm, grrr, sch....!

ich wär nur zu gern au cho, han aber am samschtig nid chönne schlafe und bin am halbi 5i immer no wach gsii. es wär echli verantwortigslos gsii, zweiehalb stund spöter scho uf d'lady z'hocke und los z'fahre. ich hoffe, ihr verstönd das...

trotzdem nervt's mich extrem, will ich mich doch eso lang druf gfreut han...

naja, viellicht klappet's ja irgendeinisch wieder. schicked doch mal en link zu de bilder, es nimmt mi ebe scho wunder...

@rönschi62 und ospot: willkomme bi üs i de rundi!

ich wünsche eu allne en schöne tag! triplegrüess, mischa

[ospot]

@slang i gsene du hesch scho gschtosse, siech!

donnerschtag in trimbach es würschtli ässe, klingt gut!

[Ducischreck]

tschou zäme

@mauro

du hesch es genau troffe met dine wort...

@pat

pat... du einsame 365kurve-chratzer... besch i dem fau guet acho. i wönsch der no tolli ferie ond gönsch dinere speedi mou e pouse. das met em blenke... es hets mer niemer me gseit... denn esch es nömme loschtig

@ospot

big welcome to the stammtisch

@corinne

ond? hesch jetz e 240er schlappe a dim baby? esch secher cool gsi, trotz em räge

@martin

he.... was machsch denn du weder. schön hets der nüt gmacht. so wies tönt hesch dis froueli ned hende droffe gha. gott sei drunk...ähh dank.

@alessandro + all

trembach tönt guet dä donnschti. i wörd of au fäu e warnig no döregäh faus i öppis wörd vernäh wäge de rennleitig.

apropos rennleitig.... hend er das vo letscht mou ghört? riiiise kontrolle hends gmacht. scho in olte sinds gschtande, in trembach, ofem houestei, mfk debi gha, rennleitig vo frankriich, dütschland ond schwiz debii gsi. schins megamässig gsi.

@mischa

i frog (frosch?) mi scho wieso dass du nor so wenig gschlofe hesch... besch weder mou be dim baby i de garage gsi he? nei seich... schad hesch ned chönne debi si. esch e glatti rondi gsi.

@robin

he du aute chrieger gots der weder echli besser? hoffe es chonnt gli weder met der.

@andi

uusrede uusrede nüt aus uusrede.... du hesch secher nor angscht vo au dene spiidis gha.

so.... s'esch mettag ond i muess go es mettagsschlöfli mache. nach dem welde sonnti.

biiiiiig rööööööhhring greeeetz

fabrice

[Giftzwergchen]

hallo alle miteinander....

wir waren gestern auch da (carmen und marco)...yeeeehhhhaaaaa...war echt geil...sooooo wieder da...habe mich grade mit marco drum gestritten wer denn den beitrag schreiben solll..... hahaha habe gewonnen...

ja sie hat gewonnen,denn der klügere gibt nach(marco)

hahaha...frau setzt sich halt wieder mal durch...

so also weiter im text...der marco ist übrigens der aus DE..und ich die...die noch keine triple hat....

ja nu ...wird schon eine geben...hab schon eine im auge ..fehlt nur noch das flüssige...

hoffen dass es bald wieder so ein treffen gibt...dann kann man / frau sich auch noch bisschen besser kennenlernen...!

gruss triple fighter

+

[Giftzwergchen]

huhuuu...noch mal ich...*nochwasvergessenhab*...wo kann mann / frau denn bilder vom treffen angucken???

[Merlin]

Mues ja de Hammer gsi si, die Usfahrt! Naja, ich bin i de Badi gsi und hamers guet gah lah!

Apropos: Hüt isch endlich min Shark-High-Up In Titan cho! FREU, FREU! Ich han en scho montiert, jetzt muess nurs Wätter nochli besser werde! Vorher häts gschüttet wie blöd!

@ Mauro: Chasch mir d' Bilder uf "weisch es ja jetzt" schicke! Ich stells dänn uf mini pseudo Homepage und all chönd luege was verpasst händ! Aber nöd, dass mer jetzt all so SPAM-Mails schicked, klar?

@ Corrine: Mues säge, dass i mit Dir echli Verbahrme gah han, wänn i s'Wätter so beobachtet han. Wies aber schint, häsch es heil überstande!

@ Fabrice: Kei fuli Sprüch, gäll!

@ die neue: Herzlich Willkomme bim grösste Stammtisch-Thread wos im T5net je geh hät!!!

@ all: Wie wärs mit emene "2. T5net-Treffen der Schweizerfratktion"? Das sött doch das Jahr no dine liege, oder?

Bearbeitet 18. August 2003 von Merlin

[Alessandro595]

Hallo Merlin

Wenn das Treffen an einem "zivilisiertem Ort" ist (Schweiz) bin ich dabei und hoffe du auch .

Dann sind es wenigstens 2 Daytonas .

Ich denke so an Mitte September, Treffpunkt ziemlich für alle zentral .

@all

Was denkt ihr ?

p.s. Das wegen dem ziviliertem Ort war natürlich nur Spass....

Gruss Alessandro595