Schweizer Stammtisch??

[cutf]

Hoi Zäme

Scho lang nüt meh gschieds gläse und ghört vo eu.... he, wo isch eigentli dä Fabrice?

Weiss nöd öb ich's nach Trimbach am Dunschtig schaffe, mal luege

@ Manowar: Läs ich da en chliine aschiss über din uspuff us dinere Ziile?

En schöne abig allne zäme (au dä Kabelspanner wo sich au scho lang nüme händ ghöre lah, gseh, nümme Innerschwiizer Raser gseit, Ops!)

Mauro

[Alessandro595]

@Corinne

Ich hoffe so spätestens um 17.00 Uhr.

Gruss Alessandro595

[3-Zylinder]

Salut @all

so bi au mal wieder im lande..

ehm ha mal welle fröge ob jetzt doch es T treffe git??Wenn und wo ,weri gern debii

Wie gsehts eigentlich mit dae Rennleitig us i dae umgäbig Trimbach ?Bi no nie dette gsie.Hetts viel vo dene ume

Bi es bitzeli HLRC

[Merlin]

@Merlin

Passt dini LLRC  au uff mini Speedy 2002 ?

Triple Grüsse Pat

@Pat:

Ich weiss es nöd, aber ich glaub, dass sött passe. Ich chan ja mal de Kolleg fröge, er hät au e 2002 Speedy! Mal luege ob mer die Wuche no dezue chömed das Teil schnell anezmache! Aber hätt 2002-er nöd en Kat im Topf?

Gruess Andi

Bearbeitet 8. September 2003 von Merlin

[slang]

@all

morge zäme

de wätter bricht gseht leider scho wieder ganz anders us für am donnstig aber wenns irgenwie troche isch be i au dört a z'träffe

wie gseht's eigentlech mit de speedy-uusfahrt us???? wenn jetzt???

gruss

slang

[Mädi955]

@madmax...sag mal...warst du heute auch in mollis am US-car meeting?

Nein, bin Samstag, Sonntag und Montag im Tessin herumgelungert .

Wär aber schon gern in Mollis dabei gewesen.

Aber,

man kann halt nicht überall gleichzeitig aufkreuzen, gell .

[Nimara]

Hallo zämä

Sch..... Wätter ! Ha scho itz "Speedy-Entzug", hoffentlech wirds gly wieder besser.

@Alessandro

Auso ig bi früechschtens am siebni in Trimbach, ha mit Kollege vo mir am haubi siebni im Rest. Bad Klus in Oensingen abgmacht. De fahre mer de gmeinsam uf Trimbach. Früecher schaffis leider nid.

@3-Zylinder

Wär cool we de ou chiemsch. Diä letschte paar Mau wo ig in Trimbach bi gsi, hani ke Rennleitig gseh. Fahre aber ou immer vo dr Syte Olten häre. Wies uf dr angere Syte aube usgseht, weiss ig leider nid. Gloub dert mache si no öfters gärn Kontrolle. Aber viellech weiss das öpper vo hie besser aus ig.

Grüsschen

Corinne

[Manowar]

@Alessandro595 Corrine..

Ich bi au ca. uff die 17.00 in Trimmbach wenns nit grad in ströme rägnet...

@Merlin

Jo wär no cool......... bi am studiere ob ich e LLRC oder e offene Shark Highup söll näh...

@cutf

Irgendwie hesch mi durchschaut..... S würd mi scho reize.... Mues zwar am 15.9.03 in d Nochkontrolle uffd MFK wägem Shark/ EG /ABE.... ha kai zertifikat derbi gha,nur mi Creditkarte EG aber das het ne nit glängt... D Blingger sige au nit OK ( jo ich weiss ich ha d Kellermänner au vorne... )Jetzt riss ich se wäg...

Kasch mir jo sage falls de am Donschtig kunsch..... den nimm ich dr NummereRahme mit....

@Madmax

Sali Martin,göhn ihr au ans Fighterrama?Mir hän jetzt dr Flug buecht(me göhnt sich jo sunscht nüt ) ab Basel für 150.- hi und retour....Goht dr Daniel au? d Föteli vom Westerwald sin jetzt online unter : mypage,bluewin.ch/cwazac

Triple grüsse Pat

[Alessandro595]

@ Corinne, Pat

Ich komme natürlich auch nur wenn es trochen ist.

Ich hasse Fahren bei Regen !

[Merlin]

@Merlin

Jo wär no cool......... bi am studiere ob ich e LLRC oder e offene Shark Highup söll näh...  

Mues zwar am 15.9.03 in d Nochkontrolle uffd MFK wägem Shark/ EG /ABE.... ha kai zertifikat derbi gha,nur mi Creditkarte EG aber das het ne nit glängt...  

@ Pat:

Also, bin hüt Abig schnell bim Kolleg gsi mit de LLRC. Wenn Din Krümmer bis zur rechte Fuessraste gaht und de Topf mit ere Schelle befestigt isch, dänn gseht schlächt us. Min LLRC wird mittels Federe gsicheret und isch es stuck länger bzw. de Krümmer isch länger als de vo de Daytona! Usserdem isch de Durchmässer vom Rohr genau so gross wie de vom Kollege sim Krümmer! Das passt also nöd. Ussert Du häsch en andere Krümmer oder en andere Jahrgang!

Was heisst, Kreditkarte EG hät nöd glanged! Ich han au nur so es Teil! Gits dänn no öppis anders? Irgendwie han i dänkt, dass das nöd alles si chan. Halt mi doch uf em laufende, bitte! Jetzt han emal en legale Topf dra und das Gimickteil vo EG-Erlaubnis taugt nüt, super!

[cutf]

@ Pat:

Bin morn am Namittag a dä Voreröffnig vom Media Markt in Basel (bin iglade worde da chan i nöd grad nei säge). Würd dänn au so uf di 5 - 5.30 in Trimbach uftauche... nimsch dä Halter mit, ich söt s'Gäld au debi ha...

Also, no en schöne Tag allne zäme

Mauro

[Mädi955]

@Madmax

Sali Martin,göhn ihr au ans Fighterrama?Mir hän jetzt dr Flug buecht(me göhnt sich jo sunscht nüt ) ab Basel für 150.- hi und retour....Goht dr Daniel au? d Föteli vom  Westerwald sin jetzt online unter :   mypage,bluewin.ch/cwazac

Triple grüsse Pat

Hoi Pat

Danke för Dis SMS.

Ha bis jetzt ka Zit ka zum mi melda .

Luag mir dini Bilder nochher grad uf Euera Page a.

Jo i gang worschinlig o at Fighterama.

Muas aber no luaga wenn und wer alles mitkunnt.

Wenn gond (flügen ) ihr genau?

(Datum)

Bearbeitet 10. September 2003 von Madmax

[Mädi955]

@Manowar

Het i nur ned i dini Page gluaget .

Schiesst mi gad a, das i ned met as WilleWäller ko ha könna .

!!!!!!!!!!!!!! - G E M E I N - !!!!!!!!!!!

Ha gerned gwösst das dr Dani sich weder dHoor wachsa lo het.

Und denn gad no blond färba... .

Und was um ALLES IR WELT tuat denn der rote Opel Omega im Burnout Knascht!!!!???

Mesi Pat das i wenigschtesn dia Bilder aluaga dörf, wenn i scho ned live dabei si ha könna .

Bearbeitet 10. September 2003 von Madmax

[Manowar]

@Merlin

Shaad....... ich lueg sunsch evtl. für e Shark High up.......

Mi Händler het im Daro-Moto mi Typeschin duregfaxt und dä het mir den e Zertifikat gschiggt wo stoht das dr Topf EG/ABE isch und uff d Speedy mit dem typeschin passt...(ha kai Kat. zum glück ). Den ha ich no e paar Blätter uff Italienisch becho(Shark isch Italo)das söt länge.....Muesch das Züg halt immer derbi ha(has unterm sattel ) Ich sag dir den no wies gloffe isch uff dr MFK....

@Mauro

He super das au chunsch....ich nimm dr halter mit

@Madmax

Ha Dir dr Link extra gschiggt ( me fahrt au nit scooter! )

Mir fliege am Samschtig 08.11.03 am 07.30ab und kömme am Sunntig früehe obe wider retor..... ( mit dr Swiss )Am Samschtig isch zobe schins no e grossi Party

Triple Grüsse Pat

[slang]

@all

guete morge zäme, es het gheisse dass es hüt mittag wieder schöner wird

hoffe mer trifft sich im iisebähnle gäge obe.

bis dann

gruss

[Mädi955]

Ich sag dir den no wies gloffe isch uff dr MFK....

@Manowar

Das wäga dim Shark intressiert mi denn o gell .

Gisch mir o bscheid obs am Mentig klappet hät met Vorführa.

Denn kani das vilecht o.

Obwohl i im originala laaaaaaanga Töpf an Kat drin ha .

Vermuatlich gots bimir drum eba ned zum Vorführa .

Aber wenigstens hani das "Kreditkärtle" jetzt und der Wisch vo da Italo Behörda.

Isch mir aber zviel Papier zum unter da Sattel zlega .

Halblegal isches jetzt wenigschtens .

Übrigens wäga dr FIGHTERAMA

Ha do im t5net im KALENDER an Link dri gmacht.

Also i fahr denn am Sa. morga ca. 5.00 Uhr met em Auto vo do us uf Düsseldorf.

Wenn möglich VOLLGAS .

Zu dera Zit häts no ned viel Verkehr.

Und denn wört mini alta Audi mol weder richtig entruasst .

Denn söt i o so uf di 11.00Uhr döt si .

@Mauro+Fabrice

Gruass

Bearbeitet 11. September 2003 von Madmax

[speedtriple.ch]

@mauro: öhm ja git mi scho no... nur ebe einersits isch trimbach/isebähnli ned annähernd bi mier i de gägend und anderersiits han i ja ebe d bänder kaputt gha, nüt gsi mit speedy fahre und i einehalb wuche hau ichs eh für 7-8 mönet is usland aber halt ohni speedy aber was wotsch mitere speedy in new york...

@all: have a fantastic time

triplegrüess

[Nimara]

Hallo zämä

Brrrr isch das chaut u grusig hie. Hoffe dr Wätterfrosch hett rächt, u äs tuet am Nami doch no uf! Chalt wirds haut glych blybe, de heissts warm ipacke, smile, und ab uf Trimbach. Entscheide de öppe so uf diä füfi öb ig würklech fahre oder nid. Wes troche isch chumi uf au Fäu.

Grüssli

Corinne

[ospot]

ähmm...esch do a dem schöne stammtesch ned emol vomene usfährtli am 14.09. d'red gsi?

so schlächt gseht jo s'wätter förs weekend ned us!?

wär do no öper debi?

cheers

[Manowar]

@Madmax

He super... Blibsch du au bis am Sunntig? Mir bueche in de näggschte Dääg no e Hotelzimmer,wenn luscht hesch..... mir hän eins gfunde in dr nöchi vo dr Mäss...... Einzelzimmer mit zmorge würd für di glaub 30 Euro koschte... Und sunsch lüt ich dir a , mir sin dängg au öbbe uff die 10.30 an dr Mäss...

@all

was isch no gange vo wäge Usfahrt? Mir gohts leider nit am 14.

Triple grüsse Pat

[Mädi955]

@Madmax

He super...   Blibsch du au bis am Sunntig? Mir bueche in de näggschte Dääg no e Hotelzimmer,wenn luscht hesch..... mir hän eins gfunde in dr nöchi vo dr Mäss...... Einzelzimmer mit zmorge würd für di glaub 30 Euro koschte... Und sunsch lüt ich dir a , mir sin dängg au öbbe uff die 10.30 an dr Mäss...

Ok bi dabei .

Aber söt a Doppelzimmer si.

D'Daniela kunnt nähmlich o met.

Könntisch Du das für üs Organisiera?

Würden demfall nämlich seher o bis am So. blieba.

Ev. sogär bis am Mo.

Z'Bochum lauft nämlich a Musical wo d'Daniela gern aluaga dät.

Der Daniel weiss es no ned genau obs im usgot.

Ka si das er z'Italia am Helikopter schruba isch.

[Merlin]

Also das mit dene Biblätter zum Shark Topf müend ihr mir aber nomal erkläre:

Ich han die Kreditkarte, was bruch i jetzt no und wo chum i das über?

Ich wünsch allne en schöne Abig, die wo uf Trimbach gönd, han leider öppis anders vor!

Bearbeitet 11. September 2003 von Merlin

[Alessandro595]

@Merlin, Merlin....

Hast du mich wieder als "einzige" Daytona in Mitte all dieser "Speedys" allein gelassen.

@Alle die in Trimmbach waren.

Ich finde unsere Gemeinde wird immer cooler !

@Corinne

Wir haben es tiefsts empfunden, dass du so gefremdet hast ,wie konntest du nur ?

@All

Also, das nächste Treffen ist vorgeschlagen worden (auch wenn es im kleinen Rahmen ist) auf dem Glaubenberg, bei gutem Wetter am Sonntag den 21. September.

@Marcel

@Roland

Ich hoffe ihr seid bald dabei beim mitschreiben bei unserem Stammtisch. Ich heisse euch schon mal willkommen

Gruss Alessandro595

[Nimara]

Hoi zämä

Auso ig schäme mich zutiefst ----- dr Fabrice hett mi ou scho zämägschisse ----- sniff... Bi hüt frömd gange, tuet mir leid. Chunnt nid wieder vor, ig verspriches hoch und heilig. Hätt eigentlech gärn mit öich wöue zämähöckle, aber ig ha mi hurti müesse ine gah ufwärme. Woni bi usecho, si leider scho fasch aui wäg gsi, sniff! Aber z nächschte Mau, de nime ig mir nume Zyt für öich.

Wägem Sunntig 21.9. muesi no luege ob ig cha. D Demofahrt mit dr IG Motorrad id Vogesen wär denn äbe ou no. U als Hälfer amene Ritsportalass bi ig am Sa ev. Sunntig ou no itreit. So viu los a däm Weekend, heieiei. Aber ig luege, gibe mis beschte!

Guts Nächtle

Grüssli

Corinne

[slang]

@all

sch en gmüetleche obe gsi gester im iisebähnli, chunt sicher guet

am weekend simmer sicher am sunntig unterwägs.......

gruss

serge