Schweizer Stammtisch??

[Nimara]

@Raffi

Das si Ufnäiher, u ig finge si gseh superguet us. Wobi das immer Gschmackssach isch, aber mir gfaut dr Ufnäiher würkli guet. Ha zwöi Stück für mi bhaute u eine mim Kolleg (Speedy-Fahrer leider ohni Internet) gschänkt.

Z Thema fingsch übrigens hie im Forum unger "biete Zubehör". Hie no z Bild:

Grussilein

Corinne

[Merlin]

(Speedy-Fahrer leider ohni Internet)

Wo gits das denn no?

[Nimara]

@Merlin

Im Aargau!

Ha ne scho versuecht z bearbeite, ä Compi z choufe, scho elei wägem T5net, aber irgendwie wott är nid so richtig. Tja, säuber tschuld, verpasst öppis.

[Triple Fighter]

@ 3-Zylinder,

soweit ich des no in Errinnerung hab...wollte der Madmax nach Löwenstein kommen.Weiss aber leider nicht ob des no aktuell isch

[Ducischreck]

he... tschou zäme

i bes geschter weder mou z'trembach gsi. es het secher 10 töff gha... supper. de grill-stand het scho zue gmacht ond es esch verdammi frösch worde. jedoch hets definitiv kei rennleitig gha ond i be mis baby vo basler site här recht go ploge auso i muess säge... trotz chaute stross.. die brückensteine BT020 hebe rächt guet.

@corinne

de ufneiher gseht wörkli ned schlächt us. aber öberall won i chönnt en ufneiher ad jagge neihe esch es dainese logo drof. ond bem höum chom i met de nodle so schlächt döre. hesch dis töpfli scho öbercho? ghörsch jetz ou zu dene wo im tunnel de pat chönne verstumme loo? du.... was söu eigentlech das dräckige lache nach em "im aargau"? han i de gar ned gärn

@pat

ou sorry.... du besch ou do... ? hesch du dini ufneiher scho becho?

@raffi und marco

löwenstein tönt eigentlech guet, esch mer jedoch es betzeli z'wit. i go wahrschinlech es haubtagestürli i schwarzwaud go mache.

@mauro

wie gsehts jetz eigentlech be der am samschti us? wotsch din föhn weder mou go usruesse? oder besch en schwöschter?

faus du das jo nömme chas läse hesch jo mini telnr.

big rrrrrrööööööööööhhhring gretz

fabrice

[Mädi955]

@ 3-Zylinder,

soweit ich des no in Errinnerung hab...wollte der Madmax nach Löwenstein kommen.Weiss aber leider nicht ob des no aktuell isch

Hallo Leutz

Melde mich auch wieder mal.

Komme doch nicht mit nach Löwenstein.

Hab mein Moped anfang Woche abgemeldet.

Ist recht kalt geworden in letzter Zeit.

Und die Zeit zum Biken hat ich auch ned so richtig.

Also Sorry, aber denen die doch gehen wünsch isch mega viel Spass auf dem Hügel dort.

[cutf]

Guete Morge zäme

@ Fabrice: Isch rächt chalt gsi hüt am morge und ich glaube nöd, dass es morn besser wird. Ich glaub, mir verschiebets uf es nächschts mal.... ja, ja, ich ghörs schreie, das mit Schwöschter, Warmduscher, Chinderbeckiplanscher, Beckerandschwümmer, Chindergeburtstagsfiirer und alles anderi bösi

Allne andere: Es schöns Wuchenend

Mauro

[Triple Fighter]

@ cutf,

hast noch vergessen...

Blümchenpflücker,Schattenparker,Kurvenfrühbremser

@Madmax

wie kann man nur sein Moped abmelden...tztztztztz ....auf jeden Fall werden Wir Spass haben

[Ducischreck]

flugzeuglandeklatscher, kreisellinksblinker, schiffswinker, limoncellitrenker....

mer gönd jo ou ned am morge am 7ni. i hätt so dänkt ume mettag a de gränze... aber esch scho guet.. es kristallisiert sech eifach use. du wotsch gar nömme met mer go fahre...

@martin

istelle??? do säg i sgliche wie de marco...tztztztz!!

grütz

fabrice

[cutf]

@ Fabrice: Mooooommääännnt, das lan ich mir nöd gfalle... um dä Mittag ume tönt scho besser... mal luege wiä's Wätter wird und dänn telefoniered mir morn am Morge, so gäg diä 11i?

Mauro

[Manowar]

@Fabrice

Morge...... Nai ich ha bis jetzt no keini Ufnäher becho Ich ha Ihm e mail gschiggt und ha ihm gsait das s gäld am 24. sept überwise worde isch vo ere Bank im Dütsche.... Er het gsait er luegi nomol noche...... Ich hoff es klappt jetzt....

Triple grüsse Pat

[Ducischreck]

@mauro

!!!

!!

!!

grutz

fabrice

[speedfreak.ch]

@fabrice & mauro: hmm, wieso samschtig und nid sunntig? am samschtig bini im berner oberland, allerdings mit em auto...

aber viellicht ergit sich ja ändlich wieder mal en glägeheit - mis rechte handglänk macht scho ganz komischi zuckige! jedefalls bliebt mis wiesse bläch s'ganz jahr a mim töff (@pat: tstststssss...).

grüess us de "schönschte stadt vo de schwiiz",

mischa

[Ducischreck]

@mauro & mischa

samschti ond sonnti?

@mischa

wärsch am sonnti ou debi för i schwarzwaud?

greetz

fabrice

[cutf]

...tuet mir leid, kei Chance für am Sunntig

Mauro

[speedfreak.ch]

@fabrice: wenn's wätter stimmt am sunntig, wäri sicher defür z'ha. ich lüte dir am samschtig abig a oder mach der es sms, ok?

@mauro: d'formel 1-saison isch fertig, ferrari isch wältmeischter - wieso muesch denn jetzt no deheime bliebe???

so long, cowboys!

greets, mischa

Bearbeitet 17. Oktober 2003 von speedfreak.ch

[cutf]

...ja, ja, sogar dä Valentino isch Wältmeischter worde und genau wäge däm bini ja am Sunntig nöd deheim und leider scho bsetzt...

Schöns Weekend

Mauro

[Nimara]

Hallo zämä

Hüt hani vor, mini Speedy winterfertig z mache, auso ou d Batterie uszboue. Itz mini Frag, mues ig diä ganzi Heckverchleidig abnäh, um d Batterie useznäh? Lut Handbuech isch das ja so. Närvt mi chli da ig das Jahr öppe scho drü Mau diä ganzi Verchleidig ha müesse abnäh! S längt äuä nid nume d Batterie abzhänke, oder? Speedy steit ire ungheizte Garage.

Mues am Mauro zuestimme, isch doch z chalt zum töfffahre! Jaja ig weiss ig ghöre ou zu dä Schönwätterfahrer, Schatteparker, Gelbphasenbremser, Handbuchleser, Schlaglochbremser, Windschattenfahrer, Vorwärtseinparker, und, und, und!

@Fabrice

ig ha absolut nüt gäge Aargauer, hihi....

Grüsschen

Corinne

[3-Zylinder]

Sali zäme,

@Corinne danke vielmals für dìnfos für dä Ufnäher

Tuen glaubs au eine bstelle.

@martin iistelle ztztztztztz cha leider au nur das sege

@ducischreck und co.und wohi würds gah... würd au mal gern mitspanne :ninja:

[Ducischreck]

@raffi

scharzwald?? wär secher no nett

wenn wärsch debi? samschti oder sonnti?

greeetz

fabrice

[3-Zylinder]

Sali Fabrice,

ehm am sunnti evt.

Wie gsehts denn ziitlich us,und vo wo wuersch denn ane fahre bie ebe no nie im schwarzwald gsie .

II bi vo Züri-stadt.

gruess raffi

[Merlin]

@ Corinne:

Also ich muess nur de Sitz abneh und chum a d'Battrie ane. Wieso muesch Du dänn Heckverkleidig abneh? Irgendwie schnall ichs nöd!

Ich wünsch allne es schöns Weekend!

[Nimara]

@Merlin

Ig schnaues äbe ou nid, steit so i mim Handbuech. Aber mir rede scho vom Batterie usenäh, oder, nid nume vom Kabel ushänke! Bi geschter nid derzue cho das azluege, mues de nächscht Wuche mau güggsle.

Bearbeitet 18. Oktober 2003 von Nimara

[slang]

@all

hallöölleee zäme bin wieder zrugg us de warme karibik isch so richtig bomastisch gsi.

bin fasch chli erschrocke wie chalt dass es worde isch hier i de schwiiiz

han de grad mol wölle d'speedy start hmmmmm isch ned a glaufe, erst öpe nachere höabstund i de gegend umeschiebe isch sie den cho . bin geschter es usfährtli go mache, isch aber no gange mit de chälti, hoffe s'wätter het no chli so dass mer seinte oder andere usfährtli no chan go mache.

gruss an alle

serge

[cutf]

Haaaalllloooo zäme

Sofern ich da no dörf mitschribe, nachdem ich am Fabrice für hüt abgseit han, nei 4-5° sind mir eifach öppe 10 zwenig... Dä Nachbar hät mi gfröget wieso ich i sonere bückte Haltig und schwer vermumt uselaufe, aber er kännt ja dä Fabrice nöd, dä wartet sicher hinterem Busch um es Attentat uf mich z'starte...

@ Corinne: Du muesch nur dä Soziussitz wegneh, dänn diä zwei Schruube vom Fahrersitz löse (8er-Schlüssel) und dänn bisch scho bi dä Batterie. Wänn din Töff i dä Garage staht, muesch sie gar nöd usenäh, es langet wännd dä Minuspol abhänksch. Trotzdem, ich glaube au eso söt d'Batterie usecho, bin mer aber nöd ganz sicher...

@ Slang: Und DU WAGSCH ES EUS AU NO Z'SÄGE DAS ES SCHÖN UND VOR ALLEM WARM GSI ISCH?????

Hopp, husch, sofort in Eggä, Viertelstund, ohni Widerredä, VERSTANDE????

Und hier noch das Kleingedruckte:

Falls der Weg zum "Eggä" nicht gefunden wird, ist dies noch lange kein Grund die Strafe nicht anzutreten. Es gibt genügend Hilfen (Corinne und Mauro fragen) um den Weg erklärt zu bekommen und gewissenhaft die Strafe anzutreten. Bei der ersten Sitzung ist das Mitbringen von irgendwelchen Ablenkungsmassnahmen wie Spiele untersagt. Dies wird erst aber der zweiten Sitzung erlaubt.

Grüessli, Mauro (dämitemGsichtunterdäFüessvomFabrice)