Schweizer Stammtisch??

[Alessandro595]

@All

Hallo Zusammen

So, nun bin ich auch bei den User Pix aufgenommen worden.

Danke an Kazhal.

Was sind die User Pix?

Guckst du hier!

Gruss Alessandro

[Nimara]

Wow Alessandro, was für ein Foto!

Respekt, sieht gut aus!

[Mädi955]

Hallo Leute

Melde mich auch wieder mal hier zu Wort.

Hier seht ihr ein paar Bilder der Figtherama (und ihrer Besucher) gell Pat .

@Alessandro

Ähm Ja, mal ne andere Art sich im t5Net Mitgliedsbilderforum vorzustellen .

[Alessandro595]

@MadMax

@Corinne

Ich hab gedacht ein Foto im Anzug wäre auch nicht so passend hier im Forum.

Gruss Alessandro

[Alessandro595]

Ich durfte den Beitrag Nr. 955. schreiben!!

Ist das nicht ein gutes Jubiläum??

Gruss Alessandro

[Mädi955]

@Alessandro

Betreffend Deiner PM.

Hab ich was ernstgenommen ?

[Manowar]

@Madmax

He tip top die Föteli......Unseri Föteli sin au online Fighterama Föteli es git nochhär no meh Föteli......

Triple Grüsse Pat

Bearbeitet 17. November 2003 von Manowar

[Mädi955]

@Madmax

He tip top die Föteli......Unseri Föteli sin au online    Fighterama Föteli es git nochhär no meh Föteli......

Heyyyyyyy

Ihr hend aber o sauberi Foti gmacht

[slang]

@pat und madmax

händ cooli föteli gmacht

pat gsehsch aber chli abekämpft us.....

gruss

serge

[Mädi955]

@pat und madmax

händ cooli föteli gmacht  

pat gsehsch aber chli abekämpft us.....

@Serge

Sally

Has ned säga traut aber i ha sgliche wia Du, bim aluaga vo da Pix denkt .

[cutf]

Hoi zäme

Mälde mich au wieder emal... bi allne alles OK?

@ Alessandro: Isch ja das Föteli wo scho mal zeiget häsch, macht sich definitiv besser als mit em Azug, susch wirsch dänn no blöd azündt, chan us Erfahrig redä, gäll Pat? Hey, was macht din Uspuff, tuesch immer no alti Ömis verschreckä und umwerfä?

@ MadMax: Hey, Junge, wiä gaht's? Häsch cooli Föteli gschosse, und häsch rächt, dä Pat gseht abkämpft us, ja, ja, s'Alter, he?

@ Pat: Hey, du alte Chrieger, häsch jetzt son es Heck bschtellt oder nöd?

@ Fabrice: Wo bisch dänn du bliibe, gits di au no? Oder hät dir d'Barbara verbote mit dem Pack usem Forum z'redä (@All: Mir müend ufpasse das d'Ghirnwösch vo dä Duc-Fahrer bim Fabrice nöd afangt griffe, ich bruch ja schliesslich dä Fabrice als Verstärkig um dä Pat dra z'erinnere wiä en Triple muen töne )

@ Corinne: Bim nächschte Blinddate bitte vorher vom Kandidat Name, Adrässe, Bild, AHV-Nr., Kontostand, Stammbaum und alles anderi eus vorab liefere damit mer ihn chönnd beguetachte und es eventuells OK gäh, schliesslich gämmer euses T5-Meitli nöd i irgendwelchi händ ab Und tuesch ihn grad vorab warne, falls er komischi Sache vor hät, mir sind nämli mittlerwile ä starchi Truppe mit Polizischte, Sanitäter, PK-Profis, Dräcksussedienschtler (hmm?) Marketing-Fritze, Isebähnler, Gratis-Schmiermittel-Verteiler usw.... chönnti gföhrlich werdä

So, Jungs und Mädel, han d'Boxhänsche agleit und bin parat für euri Antworte

En schöne Tag (wohowww... wieso dreit sich alles, ich glaub, ich sötts mit dä Droge am Morge früeh doch lah )

Mauro

[Mädi955]

@ MadMax: Hey, Junge, wiä gaht's? Häsch cooli Föteli gschosse, und häsch rächt, dä Pat gseht abkämpft us, ja, ja, s'Alter, he?

@ Pat: Hey, du alte Chrieger, häsch jetzt son es Heck bschtellt oder nöd?

@ Fabrice: Wo bisch dänn du bliibe, gits di au no? Oder hät dir d'Barbara verbote mit dem Pack usem Forum z'redä (@All: Mir müend ufpasse das d'Ghirnwösch vo dä Duc-Fahrer bim Fabrice nöd afangt griffe, ich bruch ja schliesslich dä Fabrice als Verstärkig um dä Pat dra z'erinnere wiä en Triple muen töne        )

MOMOL mir gots guat.Sisch alles senkrecht .

Der Pat isch gedanklich uf dena Bilder no der obet davor am verschaffa.

Figther-Party+Billard spela, gell Pat .

Vom Fabrice hani o scho länger nüt me glesa.

Isch worschinlich scho igschneit .

[slang]

@cutf

es isch alles klar usser dass s'risse nach de speedy scho wieder enorm isch und i glaub gli wieder zum erne's muess si usem winterschlof gohole.

denn a'wätter wär jo ned so schlächt........

gruss

serge

[Ducischreck]

ho ho ho

tschou zäme

ja ja.. i weiss... scho lang nömme gschrebe. be mega im stress set vel woche. aber lieber das als dümlidreie oder?

@martin & pat

wörkli ned schlächt die pics wo der gschosse hend. das met em ischneie het noni glängt.

@mauro & serge

i gloub, momentan bin i no der einzig wo am pat zeigt, wie en speedi muess töne oder? be grad weder letzscht wochenend droff ghocket. es esch ou no rächt warm.

10-12 grad esch eigentlech no rächt optimal för s'baby echli z'bewege. nöchscht weeki rit i si scho weder... wenns wäter stemmt natürli. aber wies jetz tönt hend si weder 12 grad gmäudet.

apropos ghirnwösch vo de duc-fahrer.... schpennsch jetz?? meinsch i wott es massebike? nö nö du... ich bleib bei meiner engländerin... "fanatischbin"

ond übrigens... be derne temperature louft si wiene bännesou... ond töne tuet si....brontal...

so... muess weder mou echli ad säck..

i neme mou a, dass me sech schpötischtens weder am 5. dez gseht oder?

cu there.

fabrice

[cutf]

@ Slang & Fabrice: Frage: Händ ihr Froschtschutz i dä Adere, oder wiä machet ihr das? Oder liits eifach dra, dass ich als Südländer eifach nöd für diä Temperature gmacht bin?

En schöne Tag...

Mauro

[slang]

@mauro

hesch den du ned gnueg Frostschutz (Limoncello-Pegel im Blut)????

gruss

serge

[Ducischreck]

@mauro

genau... limoncello sötti jo ned so schnäu gfrüüre oder??

@serge

wärsch am sonnti bemene usfährtli debi? falls dis baby weder wördsch hole?

@alessandro

was hesch denn du för komischi büüle a dim körper?

grussi

fabrice

[slang]

@fabrice

wenn d'speedy fertig isch hol i si hüt no und de bini scho debi am sunntig es usfährtli cho mache, leider gseht s'wätter eher nach snowboarde als töfffahre us...

gruss

serge

[cutf]

hesch den du ned gnueg Frostschutz (Limoncello-Pegel im Blut)????

Dä verhinderet scho das i im Stand nöd igfrüüre, wänn i no meh müsst inäh, het ich glaubs früener oder spöter es Glichgwichtsproblem, ich weiss, ich weiss, mehr söt mit em Töff ja nöd nur gradus fahre, aber ebe, chönnti dänn doch nö gföhrlich werdä

Mauro

[cutf]

Ups, han no gschwind en Gump uf 400 müese mache

[slang]

@fabrice

wird nüt mit fahre, han grad mit em stefan tel. mini gabelbrugg isch bim eloxiere und de wirds no schwirig........

schad.........

gruss

serge

[Nimara]

Hoi zämä

Mann ig bi stinksauer!!!!!! Chumeni doch hüt i üsi Garage abe (leider ä offnigi, wo jede Schw...hund Zuetritt hett) luege id Richtig wo mini Speedy steit, u dänke, was ist hier falsch??? Ha drü Mal müesse luege, bis ig checket ha, das mini Speedy abdeckt dasteit. Hett mir doch so nä Dräcksack (sorry) mini Abdeckplane klauet! Has chuum chönne gloube. Bi natürlech sofort zur Speedy grennt u ha mit Erliechterig festgstellt, das mire Schönheit schüsch nüt fählt. *uff* Das isch scho huere dreist, ächt. Naja, zum Glück isch nid d Speedy furt. Itz gits haut morn äs Lintuech, mau luege wie lang das druffe bliebt. *grrr* *immernochkochevorwut*

@Mauro

Hihi, ig wirde das ab sofort befolge, u di sofort informiere, weni wieder äs Blinddate ha, u nähr natürlech aui Date vom "Bewärber" düregäh!

Liebi Grüessli

Corinne (diä itz versuecht, wieder obenabe z cho...)

[slang]

@all wo zum erne's chöme

wämmer vorhär no öpis go foode in züri? turbinebräu oder so..... isch da en idee

und de chöne mer de stefan überfalle.....

gruss

serge

[Ducischreck]

@serge

wär cool jo. foood mampf fress...

ha s'wetter nomou agluegt för am sonnti... gshet wörkli ned so toll us. naja.. mal sehen.

@corinne

he... echt scheisse so öppis. do ben i froh, han i e separati box för mis baby won i cha abschlüsse. muesch haut es fixi druftue wo de sowieso wotsch entsorge... velech esch es de jo ou wäg...

@mauro

du besch so ne blöffer 400!! he nei auso...

auso der paar wo do no zwöschine inelueget...

big greetz

fabrice

[slang]

@fabrice

hoffe mer doch mol dass sich no es paar a'schlüsse gelle mauro

und de mache mer am 5. es richtigs gelage

gruss

serge