Schweizer Stammtisch??

[Manowar]

@all

Jo ich weiss ich seh nit so Fit us uff dene Föteli.....hehehehehehe

@Mauro

Ich bi no am luege wägem Big-Bike Heck...... Ich schängg mir das den uffd Wiehnacht

Am Samschtig mach ich den die klaine Doppelschinwärfer druff..... Jeah ( d Schinwärfer und d Halter sin Mattschwarz Jeah! )

Triple Grüsse Pat

[cutf]

Klar, bin am 5. für öppis z'ässe immer debi (da han i wenigschtens für dä Monat Dezämber mal öppis warms uf em Tisch gha ....hmmm, wo han ich mini letschti Limoncello-Fläsche gla? Ou, da muen ja no für Nachschub für dä Abig sorge )

@Serge: Gisch emal d'Adrässe und Uhrziit dure... wänn fangts bim Stefan eigentli aa?

@Corinne: Tuet mir leid am gschiitschte dä Rat vom Fabrice befolge... obwohl, han no nie öppis würkli gschiits vonem ghört, hihihi.... und: Braves Meitschi

@Fabrice: Hey, 401 sind's jetzt

@Pat: Wieso zum Tüüfel wunderets mi nöd dass diä War schwarz isch? Hmmm?

@All andere: Chömmed ihr au am 5. Dezember?

Grüessli, Mauro

[Alessandro595]

@all

Wo müssen wir am 5. Dezember kommen?

Gruss Alessandro

[Merlin]

@ Mauro:

Mmm. muess mal luege wägem 5. Dez.

Am 4. hämer vo de Bude us euses Wiehnachtsässe (ich ich weiss isch fast echli früeh, was sölls) und am 5. muess i bis am 1830h schaffe und am 6. muess i wieder am 0530h ufstah! Um welli Ziit isch es dänn am 5.?

@Alessandro:

Es muess niemer! Am 5. isch es Fest beim Ernes Euromotos in Zürich!

@Corinne:

Tuet mir leid, wäge Dinere Abdeckig! Aber lieber die als d'Speedy, oder?

@all: En schöne Tag morn oder hüt!?

Bearbeitet 20. November 2003 von Merlin

[Mädi955]

Hett mir doch so nä Dräcksack (sorry) mini Abdeckplane klauet! Has chuum chönne gloube.

@Hoi Corinne

Das isch jo wörklich a MEGA frechheit.

Der huara Kröppel der Dir dini Speedy Abdeckig klaut hät söt ma a da "oo" ufhenka .

So an Lappi.

@All

5.Dezember wo z Zöri?

Ka mir jemand abezle knauer erklära wo ma do hinko kan?

Thanx

Bearbeitet 20. November 2003 von MadMax

[cutf]

Für alli diä wos irgendwiä nöd richtig mit übercho händ (nei, nöd das mit em Bienli und dä Blueme )

Dä Stefan, Inhaber vom Erne's Euromotos in Züri, organisiert am Friitig Abig 5. Dezember ä Party i sim Lade wo diä schwarze Modell vo dä Speedy und vo dä Daytona vorgschtellt werded. Dä Lade wird ziemli leer sii, damit au s'Tanzbei chönnti gschwunge werde, hihihi, wänn das guet chunnt.

Wiä dä Slang gmeint hät, chönnted mer au vorher öppis go ässe gah.... kei Ahnig aber wänns bim Stefan afangt.

Für diä wo bim 1. Speedy Träffe im Auguscht debi gsi sind. Dä Stefan isch min Mech wo mitere alte Speedy det gsi isch und d'Carmen hinedruf mitgnoh hät....

Sini Adresse:

Erne's Euromotos

Sihlquai 67

8005 Zürich

www.ernes.ch

Grüessli, Mauro

[slang]

@mauro

han ebe au noni usegfunde wenn das bim erne's los goht..... aber wägem foode händ de seehund u i dänk me chönt is limmathuus goh dört hets grossi tisch und de erne's isch jo grad i de nöchi.

@all

chömet doch au alli de chönemer so en richtige schwiizer stamm johresabschluss mache

gruss

serge

[Merlin]

Mmm, also wänn ihr is Limmathus (oder au Palais Xtra, oder?) gönd dänn bin i glaub debi. Chunt eifach druf ah, um welli Ziit. Ich schaff ja grad um de Egge und würd nach em Arbetsschluss verbi cho!

[cutf]

Find ich ä gueti Idee mit em Limmathuus, ich weiss zwar nöd wiä mer det isst (hmm, vermuetli mit Gable und Mässer ) aber i vertraue eu beidne... wer lüütet am Stefan a um dä Uhrziit z'fröge?

Gruess, Mauro

[slang]

i checke da mol ab mit em stefan, wott ee mol no mit de neue speedy go fährele

gruss

serge

[Huck]

Sali zäme

jetzt bin i au ändlich drin,

es paar vo eu han ich ja scho gseh bim Speedyträff de Summer,

z`Trimmbach oder bim Stefan im Lade,

bin bis jetzt immer nur en stille mitläser gsie bi eu do,

han jetzt aber doch emol Ziit gfunde mich z`regischtriere,

so das ich min Senf au emol chan dezue gäh

ich chum am 5.12. wenn nüt dezwüsch chund au zum Stefan

cho ineluege (han die schwarz Speedy zwar scho gseh )

aber er es wird sicher no gmüetlich

es Grüessli

Marcel

[cutf]

@ Serge: Haaaa! Han ich's doch dänkt das da es gwüsses Interässe hät müese hersche um bim Stefan verbii z'gah... das mer diä alti Speedy ja nöd verchaufsch... wänn, dänn muesch beidi bhalte!!!!

@ Marcel: Lässig! Mir chönnd öpper mit geischtriche Kommentär immer bruche

Gruess, Mauro

[Alessandro595]

@Marcel

Endlich hast du es geschafft dich einzuschreiben . Willkomenn im Forum...

Gut dass auch du dabei bist.

@All

In Zürich..... das ist ja fast im Ausland!!

Trotz allem, lieben Gruss Alessandro.

[Ducischreck]

tschou zäme

@marcel

säälüü ond herzlech wöukomme. cool hesch di ou igschrebe. jo... das bem stefan werd secher no gmüetlech (passt das smily ned so ganz?) egal..! es werd glich gmüetlech

@alessandro

züri esch no i de schwiz... es het nor es paar komischi type dört... oha.. sali mauro...nei ned weder schlo...

aber weisch alessandro.... es werd secher gmüetlech

@mauro

sääälüüü... gohts der guet.. wotsch no öppis z'trenke? he... mini duggibrut chonnt am 5. ou met. extra wäge der. weisch... met mer cha si ned so chefle

auso...

rööhrli greetz

fabrice

[Alessandro595]

@Fabrice

Uf Züri cho isch kes Problem , aber nacher hei fahre (1 1/2 Stund fahrt) isch es problem .

Wen i dusse chönnt pfuse, wärs gäbig....

Ke' möglichkeit??

Gruss Alessandro

[Mädi955]

Sali zäme 

jetzt bin i au ändlich drin, 

...

es Grüessli

Marcel

Hoi Marcel

Herzlichi Willkommensgrüass o us em FL .

Ma sacht sich denn jo worschinlich am 5. Dezember.

[Manowar]

Sali Marcel...

Härzligg willkomme im Club

@Mauro

Wägem 5Dez. Lüt ich dir den no a wenn mir kömme..... Das mit em àsse bevor mir anegöhn tönt guet.... Aber wo isch das chaibe Limmathuus?Evtl. dört in der nöchi Penne wär nit schlächt.....

@Slang

Ich freu mi scho Di uff ere "Neue Speedy" z gseh.....

Triple Grüsse Pat

[slang]

@alessandro

ihr oder du chasch easy be üs de hei cho pfuse händ no es plätzli mäld di eifach......

@pat

uf da bin i ebe au gspannt

gruss

serge

[Alessandro595]

@alessandro

ihr oder du chasch easy be üs de hei cho pfuse händ no es plätzli   mäld di eifach......

@Slang

Das wär absolut cool wenn das ginge.

Das ist doch ein Grund mehr es mir nochmals zu überlgegen.

Ich melde mich wieder, gell....

Gruss Alessandro

[3-Zylinder]

Aloha@ all,

so meld mi au mal wieder im im forum...bi halt es ziitli weg gsie, und die letscht zwoi täg bini in Thun ume gschlichä .(irgend öppert isch doch vu dette oder??)

Das mit 5.Dez.bim ernes isch sicher guet, muen aber mal luege, tuen denn spontan entscheide.Bi grad letschthin binem gsie ha aber vergese zfroge wenn das ganzi eigentli aafangt .

@Marcel au vu mir es willkome in da club

Gruess a alli Raffi

[Alessandro595]

@Raffi

Hallo, ja ich bin von Thun, also von Steffisburg, aber das sind ja nur 2 min. Entfernung.

@Slang

Ich habe mir das überlegt, und wenn ich bei dir schlafen kann ist das gut. Meine liebe Frau kann leider nicht kommen, denn sie hat am Samstag danach sehr streng. Aber für mich wäre das ok. Du musst einfach sagen wo und wenn ich dich treffen soll.

@ All

da es ein bisschen neben mir vorbei ist, kann mir jemand sagen wegen der Party, wo, wenn, wieviel usw.

Vielen Dank im Voraus und liebe Grüsse an Alle

Alessandro

[cutf]

Gäääähhhhhnnnnn, guete Morge, isch geschter es bitzli Sträng gsi, darum mäld i mi erscht jetzt....

So, jetzt, PIM, PÄNG, BOOM, DÄNG, PAM, PUM, DÄDÄNG!!! HE? HÄSCH NONIG GNUEG, FABRICE, HE? MUESCH NUR SÄGE, DIÄ KOMISCHE ZÜRCHER HÄND IMMER GNUEG UF LAGER FÜR DI!!!!!!

He, Fabrice, weiss d'Barbara dass sie "Duggibrut" nänsch? Tönt so quasi nach "mis Chick" oder ähnlich weisch, ich sueche öppis zum dich komische Aargauer mit möchtgernbärnerdialäkt abeputze, hihihi....

Ahhh, uf d'Barbara chammer sich verlah aber will mer sich ebe uf sie chan verlah, nimm ich glaub au no für sie no irgend ä Triumph-Jagge oder Triumph-T-Shirt mit

@ Pat: Oh Wunder, Limmathuus isch bim? Bravo, 100 Pünkt, bi dä Limmatstrasse, bevor sie in Limmatplatz mündet! Nei, dä isch jetzt bös gsi. Ich han mi schliesslich au scho z'Basel herrgöttlich verfahre und bin au immer froh über jedi Hilf gsi. Eifach im Twixroute Limmatplatz igeh, Lütisch mir eifach aa.... Was isch mit em Zimmer? Muen der no hälfe? Bis zu mir hei lohnt sich fascht nöd, isch genau ä Halbstund i diä ander Richtig entfernt...

Slang? Häsch i dä Stadt Züri no es wiiters bettli z'büüte?

Schöns Weekend

Mauro

[Manowar]

Augeproblem?? e 1Aug Speedy..... :

scho besser...

Jetzt nur no d halterige absäge und e Velotacho druff..

Triple Grüsse Pat

Bearbeitet 23. November 2003 von Manowar

[Huck]

@ Pat

gseht d`Speedy mit eim Aug aber trurig us

aber de Turbo im Hintergrund isch au e heissi Maschine

mir isch hüt au echli langwilig gsie, da bini id Bude gange und han ich mir schnell nach Dr. Feinbeins Rezept en Kurzhubgasgriff baschtlet,

aber us Kunststoff nid us Alu, han grad no schnell e 80km Probefahrt müesse go mache .......... isch geil gsie

spahrt eidütig Vorderpneu

Es Grüessli Marcel

[Nimara]

Hoi zämä

So - d Speedy hett äs neus Gwändli, äs hässlechs wysses Lintuech, aber das wird bestimmt nid klauet. (u schüsch verstahni d Wält nümme we das ou no furtchunnt. grrrrrr)

Hüt bi ig im mysteriöse Park in Interlaken gsi. Isch mega cool gmacht das Ganze. Chas jedem nume empfähle, obwohl dr Itrittspris (48.-) ziemli viu isch. Mir si aber ä Gruppe gsi vo 20 Lüt (aues Töfffahrer! ) u de gits 10% Rabatt. Naja, immer no tür, aber mir hetts uf au Fäu mega guet gfaue.

Am 5.Dezämber wäri ou gärn derbi, aber wie chönnts ou angers si - ig cha wieder nid cho! Bi denn z München am Weissbier trinke u Weisswürstl ässe! Wieso müesst dir ou immer a dene Date öppis abmache wos mir nid geit. So gemein. Naja, äs angers mau.

@Marcel

Härzlech willkomme!

@Pat

Hey obwohl ig diä originale Lampe vor Speedy absolut genial finge , muesi säge, diä wo itz dranne hesch gseh würklech abartig geil us! Komplimänt.

Soseli itz gangi mau gah lose was mis Chüssi z säge hett.

Liebs Grüessli

Corinne

Bearbeitet 22. November 2003 von Nimara