Schweizer Stammtisch??

[slang]

@nimara

i wörd si grad bim mech iistelle, üse mech do z'züri macht dr au grad no de früheligsservice für 30.- stutz im monet und de weisch dass si unter glichgsinnte isch

gruss

serge

[3-Zylinder]

@Alessandro,

yoo da hesch ja ä mengi vor, gseht denn sicher hammermässig us .

Bi denn gspanne wie dini Lady dann usgseht.

Ja das aussägen und Feilen da hani no vor mir.Bi noni derzue kho.

Mini Lady isch bim Mech.wott no es paar Garantie-Arbeite mache lah .

Und dann fängt bei mir auch ein bisschen das mopped zu personalisieren an :ninja: .

Aber bis dahin gehts Richtung süden

gruess Raffi

[Merlin]

@ Martin:

Was wotsch dänn mit ere Einarmschwinge und emene Hinterrad in silber? Bausch dini Maschine um?

Allne e schöni Ziit!

[Merlin]

So ich nomal! Jetzt chunt öppis wo nüt mit Triumph ztue hät.

Ich sött wüsse wer vo eu alles bi Orange es Abo het und was ihr für en Nateltyp händ.

Ich han Problem mit lange SMS wenn ichs überchum, also meh als 300 Zeiche. Wänn ich so es SMS überchume, dann heissts am Schluss "(Texteile fehlen)". Erst wenn ich am Absänder oder de mir es zweits SMS schickt, dänn klappets auch mit em erste. Oder es gaht uh lang bis es heisst "Mitteilung aktuallisiert" und ich dänn s'erste SMS vollständig läse cha. Ich han es Nokia 6610. D' Fründin hät s'gliche Problem. Sie hätt das aber erst sit si bi Orange isch, vorher is sie bi de Swisscom gsi und hät kei Problem gha. Ich han mal mit Orange gredet und die händ gmeint, dass ev. e neui Software chönt s'Problem löse. Ich glaub aber nöd dra, da d'Fründin ja sgliche Handy hät und vorher kei Probs gha hät.

Drum würds mi Wunder neh, wer das Problem au hätt. Ich glaub de Martin hät mal im Limmathus öppis gseit. Ich hoffe ihr sind druss cho was mis Problem betrifft.

Danke für euri Hilf.

Gruess

Andi

[cutf]

Guete Morge zäme

Mälde mi au wieder nach längerer Ziit als stumme Läser... alli guet zwäg?

@ Andy: Es git nur eis Netz: Swisscom!!!! Nei, kei Ahnig was das chönnt sii. Säg emal, häsch du Nachtschicht gha oder schlaf du eso wenig?

@ Alessandro und Corinne: Eländi Schinder

@ alli andere: En schöne Tag...

Mauro

[Manowar]

@all

Yeah ich ha s gschafft, ich ha FERIE Muess erscht wider am 5jan. go schaffe

Ha ich öbbis verpasst wäge däm Aluring? für was isch dä guet?

@Corinne

Du hesch jo scho Päch zum Glück isch dinere Speedy nüt passiert...

Triple Grüsse Pat

[Manowar]

Ha s nochegläse wäg em Aluring..... hmmm, isch das wirkligg so guet das Kurzgas?

Triple Grüsse Pat

[Mädi955]

@Andi

Ich habe, wie mit Dir im Limmathaus kurz besprochen, auch ein Orange-Abo.

Handy ist auch ein Nokia.

Habe selbe Probs wie ihr. Wenn eine 2.Seite beschrieben wird und man mir das dann sendet, kommt manchmal die Textmeldung:Textteile fehlen.

@Mauro

Liest man auch wieder mal was von Dir .

@pat

Das umgreifen bein VOLLGASGEBEN entfällt auf diese weise.

Und was les ich da? du hast Ferien ?

Frechheit ! ! !

[speedfreak.ch]

@Andi: Swisscom und Sony Ericsson T610 - somit also keinerlei Probleme... Sorry!

Gruess, Mischa

Bearbeitet 17. Dezember 2003 von speedfreak.ch

[Nimara]

Hallöchen

Ja ig wirde nach dä Fiirtäg mau am Mech alüte, u luege das ig mis Schätzi cha istelle bis ig zügle. Isch bis itz zwar no nüt passiert, aber äbe, ig troue däm Pack hie überhoupt nid.

@Mauro

@Andi

Ig ha äs Swisscom-Abo u z Nokia 6100. Ha das Problem aber ou scho gha mit däm "Textteile fehlen". Ke Ahnig a was dases liegt!?

Grüsschen

Corinne

[3-Zylinder]

Sali Zäme,

alles bene??

@Pat ii hett no so en Ring umeligge(eigentli sinds no 2) material isch STAHL

also wenn no eine wotsch e-mail a mir.

Dä alessandro hett au eine vo mir, nur muesch echli säge und fiele

grüsse Raff

[Manowar]

@3 Zylinder

Merci, aber ich wart glaub mol ab bis in Frühlig und los emol s Feeedback a vo de andere..... ( velicht ka ich jo mol eini Fahre )

Triple Grüsse Pat

Bearbeitet 17. Dezember 2003 von Manowar

[Ducischreck]

tschou zäme

@all

tue mi jetz offiziell entschuldige för mini abwäseheit. ha chli stress gha privat.

@andi

i ha swisscom ond nokia 6600 - keis problem

@mauro

dis sms het mi betz ufgstellt - danke der gäu

@pat

i ha vom erne en churzgasgreff lo häremache. das met em "muesch di hebe wenn de hueschtisch oder so"... naja.. so schlemm esches ned. aber trotzdem geil. ebe... nömme nochegrife, im 2 relativ locker is männli, geils feeling bem usebeschleunige us de böge...

@all

hebets guet ond falls me sech nömme lest... schöni festtaag

greetz

fabrice

ps: freue mi scho of de erschti wärmeri tag...

ps@mauro & all: chonsch/chöme der nöchscht johr ou of monza as superbike-renne?

[Mädi955]

...

ps@mauro & all: chonsch/chöme der nöchscht johr ou of monza as superbike-renne?

@Fabrice

Hoi Du

Was triebsch denn för a unwesa .

I hoff das das "Zügs" Privat weder för di in Griff kriegt häsch .

Also i bi uf alli Fäll am Monza Superbike-Renna dabei .

[Alessandro595]

@all

Monza...hmmmm

Das tönt gut. Meine Kumpels von Thun haben auch schon davon geredet, das wir gehen sollten .

Wann ist genau Monza?

Gruss Alessandro

[cutf]

Guete Morge...

@ Fabrice: Gern gscheh !

Monza findet immer so am zweite Sunntig im Mai statt. Isch en interessanti Idee. Ich glaub, mir müend das mal es bitzli wiiter spinne. Vor allem häts sich's mit miine Kollegä i anderi Richtige entwicklet, letscht Jahr simmer im Mugello gsi, und das Jahr werdemer vermuetli nach Sardinie gah... also het's no Ziit für Monza. D'Frag isch nur, öb Superbike-Ränne nächscht Jahr no stattfinde werdet, diä händ ja ziemli Problem

Jungs... und Mädel!

Wünsche en schöne Tag

Mauro

[slang]

@fabrice

cool wieder mol vo dir z'läse....

da mit monza tönt guet mal kucken i däre ziit isch jo no s'lile of man....

schöns tägli no

gruss

serge

[Alessandro595]

@fabrice

cool wieder mol vo dir z'läse....

da mit monza tönt guet   mal kucken i däre ziit isch jo no s'lile of man....

schöns tägli no

gruss

serge

Was ist eine "lile of Man..."??

Gruss Alessandro

[Manowar]

@Fabrice

He super das me Di wider list... Ich hoff es isch alles wider im Butter bi Dir.

Triple Grüsse Pat

[slang]

@alessandro

ups falsch gschriebe *isle of man* hani gmeint

kuck mal unter reisen, hani öpis gschriebe

gruss

serge

[Nimara]

Gugus

Schöni Grüess usem Bett - mit hett ä zünftigi Grippe flachgleit....!

Monza tönt guet, allerdings weiss ig nid ob das für mi im Mai drinne liegt... je nach brueflecher Situation... *seufz* Mues haut no chli abwarte, bevor ig d Reise für nächschts Jahr cha plane.

Liebs Grüessli

Corinne

Bearbeitet 18. Dezember 2003 von Nimara

[cutf]

Nei, aber am Schaffe!! (söll's jo au gäh?!)

Gruss

Marc

ähem, han i eigentli scho früehner welle mache: Hoi Marc! Du farsch immer no Speed Triple? Han scho extrem lang nüt meh vo dir gläse gha... schön, dass ie schriibsch.... chunsch au mal an es Träffe mit? Mir alti T5-Hase müend da scho zäme hebe...

Gruess, Mauro

[Alessandro595]

@slang

So viel ich weiss, sind die Jungs von den Streetfighter in Interlaken immer gegangen. Vielleicht wissen die auch was oder gehen sogar selber wieder.

Ich sehe sie bald, denn sie haben meine Brülltüte und ich habe ein Helm dort bestellt. Ich werde mich auch schlau machen.

Gruss Alessandro

[Marc]

Hoi Mauro (und natürlich alli andere au)

Jaja, ich weiss, scho lang nümm presänt gsi hie! Aber es git mi no! Fahre allerdings im Momänt kei Speedy meh, sondern en luzifer orangi Tiger mit Racetopf - gohd au ned schlächt!

Und: Seeeecher chommi mol an es Träffe! Isch doch klar!

Gruess an all

Marc

[speedfreak.ch]

@Nimara: Ich wünsche Dir gueti Besserig! Luegsch, dass bald wieder gsund wirsch - immerhin stönd ja Fäschttäg vor de Tür...

Grüessli, Mischa