Schweizer Stammtisch??

[Mädi955]

@Nimara

I wünsch Dir o a guati Besserig .

Und los dirs im Bett ned zlangwilig werda gell .

[Mädi955]

@ Martin:

Was wotsch dänn mit ere Einarmschwinge und emene Hinterrad in silber? Bausch dini Maschine um?

Allne e schöni Ziit!

[Alessandro595]

@Pat

Ich glaube ich habe deine Mobil Nr. falsch eingegeben. Ich wollte dich anrufen und mitteilen, dass ich morgen in Lörrach beim Polo bin.

Wenn du mich treffen möchtest kannst du mir entweder mir deine Nr. mitteilen oder mich anrufen.

OK?

Gruss Alessandro

[cutf]

@ Corinne: Au vo mir gueti Besserig .... wiä immer, schnall ich das erscht es bitzli spöter als alli andere

@ Raffi + Huck: Wer vo eu zwei hät no so en Ring für s'Churzgas? Has ändli gschafft mal nah z'luege, ich han nur eis Gaskabel

Gruess und schöns Weekend

Mauro

[3-Zylinder]

Ciao Mauro,

ii han no so eis Ringli umeligge,allerdings isches us Stahl und muesch no aapassige mache(churzgseit...sägele,fiele(nute fürs gaskabel))

Dae Alessandro hett au eis vu mir ueberkho.

Wenn doch eis wotsch schickmer es mail mit dini adresse und ich schickters per GELBER RIESE

Choschte hmmm (isch WIEHNACHTE)

Gruess RAFFI derbaldnachargentiniengeht

@all andere en gruess

@Nimara gueti besserig

[3-Zylinder]

No rasch dae 100i biitrag

*schind*

:ninja:

[cutf]

Saletti zäme....

@ Raffi: Häsch Email übercho

@ Marc:

@ Alessandro: Steffisburg isch ja aber scho es bitzli ä truurigi Gägend, hmm? Isch es es bitzli dä Vorort vo Thun? Schick mer mal dini Handy Nummer, da chan der aalüte wänn i wieder i dä Gägend bin... Guet, muen ja sälber nüt säge... sch... Zürcher

@ Misch: Besserwüsser!!!

@ Pat: Wiä gahts dim Tacho eigentli? Schemas scho übercho?

@ Fabrice: hee, was söll das, eifach so ä Frag platziere und dänn dich nüme mälde? Muen i di wieder emal z'rächt stutze?

@ Corinne: Immer no am umesüüche? Lueg, da, nimms ruhig, da häsch nomal es Portiönli "Gueti Besserig"

@ Seehung & Slang: Ähm, wäg däm Samschtig döt nach däm Friitig, ähm, na ja, ihr wüssed scho.... hät sich dänn eso entwicklet gha wiän i dänkt han, na ja, ehm, churz gseit, öhm, kei Ziit gha zum verbii cho. SORRY!!!

Schöni Fäschttag allne zäme

Mauro

[slang]

HALLO ZÄME

muess leider no schaffe

wünsche allne schöni festtäg und en guete rutsch is 04....

gruss

serge

[Ducischreck]

tschou tsäme

@all

danke für die welcome-back-grüsse.

@all newcomers

big welcome from fabrice

@mauro

joooo.. tue mi z'rächt stutze.... los...(aber nor wenn de met de folgeschäde chasch läbe)..

das met monza esch jo no rächt wit wäg. aber be eus esches eigentlech figs dass mer gönd. natürli nor be einigermasse schön wätter.

@all

apropos monza.... völlig öppis anders... i gang im april an e cornu fahrkurs of anneau du rhin. het öpper loscht allefalls metzcho? das esch keis rönnstrecke-training. das esch en fahrkurs zor vorbereitung för rönnstrecketrainings. do üebsch slalomfahrte met höchere gschwendigkeite, optimal-linie fahre, bremse mit höchere gschwendigkeite, abeschalte mit höchere gschwendigkeite und und und...

auso der höbschinne ond höbsche

big greetz

fabfreeze

[slang]

@fabrice

tönt guet mit em kürsli, de seehund, oli u i wötte au so öpis mache im frühelig.

kuck mer mal wär no cool es paar zäme.

gruss

serge

[Alessandro595]

@Fabrice

Das tönt nicht schlecht. Wir können uns ja einmal darüber unterhalten. Ruf mal an, wenn du mehr weisst.

Gruss Alessandro

[speedfreak.ch]

@Mauro: Eh was isch dine Problem, Mann?!

@Fabrice: Eso es Training mit em Jacques Cornu(to) tönt nid schlecht. Wenn's vom Termin her passt, bini au debi!

@All: Wer vo Eu isch eigentlich au no am Schaffe?

En liebe Gruess,

speed .ch

[Alessandro595]

Ig bi immer am schaffe, schaffe schaffe wie nä more...

Gruss Alessandro

[Mädi955]

I bi o am kröpla .

Leider, und dabei hets jetzt endlich abez Schneeeeeeeeeeeeeeeeee zum Skifahra ge.

[Merlin]

Ich säg eu jetzt mal wie mini Arbetsziit über d'Festtäg usgsend:

22. u. 23.12. FREI

24. 1230-1830 Uhr

25. FREI

26. 0630-1230 u. 1830-0630 Uhr

27. u. 28. FREI

29. 1230-1830 Uhr

30. 1230-1830 Uhr

31. 0630-1230 u. 1830-0630 Uhr

1. u. 2. FREI

3. 1230-1830 Uhr

4. 0630-1830 Uhr

5. 0630-1230 u. 1830-0630 Uhr

Also münd ihr nöd jammere!

Apropos Anneau du rhin, de TCS organisiert scho sit mehrere Jahre de Summer dur so Trainings. Am Morge isch mer am Strecki kännelerne uf em "chline" Kurs, Kurvebremse, Idealliniefahre, Hochgschwindigkeitsbremse. Am Namitag gaht mer uf de grossi Kurs go fahre und ab 1500 Uhr isch freis Fahre i de Gruppe agseit. Bi jetzt scho 3 Mal det gsi. Isch voll geil. Nur das Jahr isch es eidütig z'Heiss gsi.

Nächst Jahr wämer au gah, aber nur für die wo scho mehrmals gsi sind. Das isch dänn en spezielle Kurs, dört chamer echli länger uf de Piste frei bolze!

Das isch d' HP vo Anneau Du Rhin

Ich wünsche allne schöne Wiehnacht und en gute Rutsch is neue Jahr. Und lueged, dass ihr in Zürich am Silvester kei Lämpe mached, suscht chömeders viellicht mit mir ztue über und dänn bin i nüme so en liebe Siech!

Bearbeitet 22. Dezember 2003 von Merlin

[Nimara]

Hallo zämä

Ig läbe no - ämu so halbwägs.. Am Frytig hani doch tatsächlech 40,2 Grad Fieber gha! Ha somit z Weekend nume mit schlafe, u Medis ässe verbracht. Itz geits wieder langsam chli chli besser, Fieber isch furt, derfür hani itz so nes komisches stäche u chirbele ir Lunge... hmmm. Wäge däm verzichteni sogar uf z rouke, ou wenn's schwär fallt. Mau abwarte, wes de nid besser wird muesi de zum Dokter.

Wünsche euch vo Härze ganz schöni Wiehnachte!

Liebi Grüess usem Chrankebett,

Corinne

[Triple Fighter]

*M*

Bearbeitet 13. Juli 2005 von Triple Fighter

[Manowar]

@all

ha ferie bis am 5Jan.

@Mauro

Jo, has Schema vonm Stef prompt becho E suuberi Sach.... Jetzt muess ich bis ändi Jan. warte bis ich mic Alu-ghüs für mi tacho bekum.. Has im neue Polo-Katalog2004 gseh...

@Madmax

Hän mir scho gnug Schnee?

@Alessandro

Schaad hän mir uns verpasst am Samschtig mir sin öbbe uf die halber drey auno zum Polo gfahre..

Triple Grüsse Pat

Bearbeitet 22. Dezember 2003 von Manowar

[Alessandro595]

@Corinne

Heb Sorg zu dim junge läbe....

Lieber Gruss Alessandro

[speedtriple.ch]

@nimara: gueti besserig vo de andere siite vom teich, villicht hilfts

@all: isch jetzt da bi euch s volle churzgas-fieber usbroche? ha ja scho immer gseit, dass mer das mues ha!

@speedfreak.ch, fabrice & mauro: was isch los mit euch alte chrieger?! chum mal es paar wuche ned chönne am kabel zieh und scho simmer alli chli greizt, hä?

merry christmas & a happy new year

greetz from nyc

robin

Bearbeitet 22. Dezember 2003 von speedtriple.ch

[Mädi955]

@Merlin

Dini Arbeitszita sind genau der Grund warum i immer noch am Überlega bin .

@Manowar

Jo jetzt wörfts lansam die wies Pracht hera. Arosa ruuuuuft .

@Alessandro

Bi ned so an Hirsch was PC's und so agot.

Drum bruchst no bezle Zit bis mini Page halbwägs aluaga kasch .

@Nimara

Heee, gang jetzt aber endlich zum Doc Du !

Oder muas i do met em vo ...burg a wörtle reda ?!

@All

I wünsch Euch allna schöni, ruhigi und bsinnlichi Wiahnachta mit Euerna Lüt .

[Merlin]

@ Martin: Es schaffed nöd all wie d'Stapo Züri!

[cutf]

ähm.... @Misch: Han eigentli din Artikel über Schwäfel im Benzin gmeint gha... würkli guet!!! (Trotzdem Besserwüsser )

@ Robin: Das häsch halt devo, eus ganz älei z'lah... dänn passieret genau so Sache He, alles guet det änne? Wänn chunsch wieder zu dä normale Lüüt zrugg?

@ Martin: Häsch du wellä "Freund und Helfer" wärde, oder han ich wieder emal öppis falsch verstandä?!?

@ Corinne: Da, nomal es Portiönli Gueti Besserig

@ Alessandro: Danke, han dis Mail übercho...

@ Andy: Isch ja ganz EASY, wohoww, häsch es paar 12-Stünder, hmm?

@ Fabrice: Tönt guet mit em Cornu(to) hihihi....

@ Pat: Mäldisch di eifach wänns mit em Cockpit eso wiit isch, ok?

en schöne zäme

Mauro

[speedtriple.ch]

@mauro

jaaa ich weiss, ich weiss. isch aber ganz luschtig da in new york chume übermorn wider zrugg zu de "normale lüt" zwei wuche go snowboarde mues denn aber scho wider es paar täg d schwiiz verlah, ischgl rüeft

denn gang i wider zrugg uf new york bis mitti märz. denn 1.5 mönet uf zentralamerika chli go umereise. aber endi april bin i pünklich zum saisonstart 'o4 wider zrugg i de guete alte schwiiz...

greetz

robin

Bearbeitet 22. Dezember 2003 von speedtriple.ch

[cutf]

...und das verzellsch du eifach so, ohni rot azlaufe, als wäris s'normalschte uf därä Wält, als wärs grad emal so um dä Egge, als hetsch grad nüd gschiiders z'tue, überhaupt, als würdis no Lüt gäh wo das nöd täglich mached wie du, ja, stell dir vor, mir gönnd ja au gschwind nach Japan go Mittagässe und gschwind dänn uf Südafrika go bädele bevor mir z'abig wieder däheim vor em Fernseh hocke....................WAS SÖLL ICH DA BLOSS DEVO HAAALLLLTTTTTEEEE????? ICH SÄGS DIR GRAD:........ich au!!! Hey, gnüsses und ready für d'Saison '04!!!!

Gruess, Mauro