Schweizer Stammtisch??

[kane]

hallo alle

ich wünsche allen einen guten rutsch und ein rutsch- und unfallfreies töffjahr 04 mit viel spass und einem sommer wie den letzten

grüsse

kane

[Nimara]

Hello zämä

Uff, Wiehnachte isch zum Glück verbi, heieiei das isch wieder ä Frässerei gsi. Am 24. hetts Fondue chinoise gäh, u am 25. de no Bärner Platte. Natürlech no ging mit riese Desserts. *puh* Itz isch bi mir mau chli Diät agseit.

Ah ja:

Wünsche euch vo Härze ä guete Rutsch u nume z beschte für z neue Jahr !

Hoffentlech faht d Saison gly wieder ah, ha scho Entzugserschinige.

@Andy

Ig dänke de diä Nacht ou chli a di!

Liebi Grüessli

Corinne

[Manowar]

@all

Ich wünsch au Allene e scheens guets neuis..... ( und gli wider Töff Wätter ) :)

Triple Grüsse Pat

[Nimara]

Hallöchen

So syt dir aui guet überegrütscht? Hoffes doch.

Hey äs geit gar nümme so lang u de faht d Töffsaison wieder ah!

[slang]

HALLO ZÄME

i wünsche allne en guete arbetsstart im 2004

hoffe mer doch dass es glii chli wärmer und troche wird

gruss

serge

[cutf]

Ja, Hallo a alli und au vo mir en guete Arbetsstart is 2004... mann, isch scho wieder so wiit

Mauro

[ospot]

wönsche es guets neus ond en guete start em 2004 \m/

wieso eigentli arbetsstart?!?

greetz

[Merlin]

wieso eigentli arbetsstart?!?    

Das frög i mich au. Aber es git halt Lüt wo Ferie gah händ! Ferie? Was isch das?

Ich hoffe ihr sind guet übergrutscht. Also am Silvester isch grad echli öppis los gsi i de Stadt. So no 2 Stund und dänn chan i endlich hei go ligge!

Ich wünsch eu en schöne Tag!

[Alessandro595]

Hallo Zäme

Sind eingentlich nicht alle ins Neue Jahr angekommen??

Mann hört so nichts.....

An alle die Angekommen sind ein lieber Gruss ins neue Jahr

vom Alessandro

[speedtriple.ch]

sodeli, bi au wider am schaffe am da in new york. ha ja rasch "muese" uf ischgl/at und sedrun/ch chli go snowboarde ueber wiehnacht/neujahr.

@mauro: tja, de dumm spruch chunnt denn so mitti maerz, wenn i fuer 6-7 wuche uf zentralamerika gang z.b. chli uf guatemala go surfe, z honduras am strand ligge oder susch so langwiligi sache.

@all: alles gueti im 2004!

greetz

robin

[Mädi955]

sodeli, bi au wider am schaffe am da in new york. ha ja rasch "muese" uf ischgl/at und sedrun/ch chli go snowboarde ueber wiehnacht/neujahr. 

@mauro: tja, de dumm spruch chunnt denn so mitti maerz, wenn i fuer 6-7 wuche uf zentralamerika gang    z.b. chli uf guatemala go surfe, z honduras am strand ligge oder susch so langwiligi sache. 

@all: alles gueti im 2004!

greetz

robin

Hoi Robin, Du gemeina Siach Du! Kasches jo no genauer i allna einzelheite beschrieba .

I well o *neid*

@Pat

Isch mega toll gse z Arosa.

Aber an neue Schletta kof i trotzdem ned .

I bruch mini Kohle för dia 3 speziella Wurfstern .

Ha alles gad kpl. bestellt .

@All

An guata Arbeitstart is neue Johr.

Bearbeitet 8. Januar 2004 von MadMax

[cutf]

Guets Mörgeli mitenand...

He, Robin, säg bloss, du bisch über s'Neujahr au in Sedrun gsi....

Gruess, Mauro

[Alessandro595]

So @Martin

Bring e chli me einzelheite wägem Wurfstärn...

Bi gschpannt!

Wi gsehts us mit dem Heck?

Gruss Alessandro

[Manowar]

@Madmax/Schlittelmaischter

He das isch e super nomidaag gsi in Arosa.. Mir hän den zobe no kräftig gfeschtet

Was für Wurfstärn?Ha ich öbbis verpasst?

Triple Grüsse Pat

Bearbeitet 8. Januar 2004 von Manowar

[Mädi955]

So @Martin

Bring e chli me einzelheite wägem Wurfstärn...    

Bi gschpannt!

Wi gsehts us mit dem Heck?

Gruss Alessandro

Hoi Alessandro, hoi Patrik (HighTech-Schlitten Spezialist )

Hier nochmal meine Wurfsterne die ich bestellt habe.

Zwei komplette, vordere Bremsscheiben inkl. Beläge und eine hintere Scheibe inkl. Belag bekommt mein Baby verpasst.

Obwohl sich die originalen Stopper auch erst 4'000Km gedreht haben .

(Die sind im übrigen jetzt für die Hälfte des Neupreises zum Kauf ausgeschrieben)

Das Heck, welches du Alessandro ansprichst hab ich abgehackt.

Und zwar weil die verwendeten LED's kein "E"-Prüfzeichen besitzen .

Der Preis von über 450.-Fr. ist mir ganz einfach für ein nicht vorführbares Heck zu hoch.

Bearbeitet 8. Januar 2004 von MadMax

[Manowar]

@Madmax/Schlitterguru

Ah joh.... Das hesch jo gsait gha.......Wow sehn Edel us die Wurfstärn...

Triple Grüsse Pat

[speedtriple.ch]

@madmax: soooooooooooooorrrrryyyyyyy

@mauro: du öppe au?! wo bisch gsi? mier zersch go ässe, denn zum mäc id bar und nachher id disco bi de talstation hinde bis am morge am 6i... kennsch öppe es paar lüt det hinde? wenn ja, wer?

triplegruess

robin

Bearbeitet 8. Januar 2004 von speedtriple.ch

[cutf]

@ Robin:

Hey, mach mi nöd fertig!!! Nei, ich känn niemerd döte, bin mit em Kolleg det glande will mer nüd gschiiders gfunde händ. Gschlafe hämmer imene Jugendhotel igangs dorf (ja, das wo vor zwei Jahr no es Asylantewohnheim gsi isch, so häts au gschmöckt ) sind dänn is Hotel Mira go ässe, dänn au id Disco bi dä Talstation anegfahre, ue glofe und durchs Fänschter s'Durchschnittsalter usgrächnet und mich i däm Momänt gfröget, wo ich grad mit Laufstock han ligge lah... mir sind dänn wiiter id Peanut-Bar eis go trinke und dänn use uf d'Strass... und vüre uf Disentis id Disco

Hämmer eus verpasst? Wer isch dä Mac?

Grüessli, Mauro

Ach so, ja klar, allne andere no en schöne Tag

[Alessandro595]

@Corinne

Hallo Corinne

Ich habe vernommen das in Münchenbuchsee eine Racing Börse ist .

Nicht so gross, aber gute Austeller. Unter anderem auch der Uhlmann ein Triumph Virtuos .

Kommst du auch? So könnt ich dir das Töpfli auch übergeben.

Wenn Ja, call me....

Gruss Alessandro

[Mädi955]

Geht auch jemand um den 16.01.2004 - 18.01.2004 ans Biker Weekend nach Friedrichshafen ?

Bearbeitet 9. Januar 2004 von MadMax

[Alessandro595]

zu weit (ohne Bike)...

[Nimara]

Halli Hallo Hallöchen

Bi ou guet im neue Jahr acho... Hoffe das Jahr wärdi für mi chli besser, ämu was Arbeit betrifft u so.. Im Momänt gseht's dert schitter bis bewölkt us, u das belaschtet mi extrem. Schlaht chli uf mini Stimmig. Versueche d Hoffnig nid ufzgäh, aber äbe, das isch liechter gseit aus gmacht... *seufz*

@Alessandro

Ou schad, weni das früecher gwüsst hätt, wäri sofort derbi gsi. Itz isch aber mis Weekend scho usbuechet. *grummel* Aber mir finde sicher no ä Termin um diä "Töpfli-Übergab" so gly wie müglech z mache. Wott äbe itz de nächscht Wuche mau am Uhlmann alüte, um d Lady füre Service u so azmäude. By the way, weisch du öb dä se ou chönnt cho abhole? Isch ja zur Zyt nid fahrbahr, wägem Schlitz im Pneu.

@MadMax

Wahrschinlech nid.... Naja, persönlechi Gründ u so. Ha langi Zyt dert äne verbracht. Wünsche dir ämu viu Vergnüege wenn de geisch.

Liebi Grüessli

Corinne

[speedtriple.ch]

@mauro: kaenne mi ebe au ned gross us det obe. bi mit ere kollegin dobe gsi, sie het det e kollegin wo dobe wohnt im winter und zimli all luet kaennt. sind denn e ganzi horde underlaender und oberlaender gsi. zimli wuescht. de maec isch eine wo en bar het in sedrun, weiss aber ned wie d bar heisst. hend nur all immer gseit "mer goend zum maec"

stimmt i de disco isch s durchschnittsalter scho zimli tuef gsi, aber mer sind ja wie gseit oeppe z 12te gsi, denn het das gar kei rolle gspillt... hend ues demfall wuerkli nur knapp verpasst. mischt, waer sicher luschtig gsi...

@mischa: where are you? nix forum, nix email...

triplegruess

Bearbeitet 9. Januar 2004 von speedtriple.ch

[Alessandro595]

@Corinne

Ich sehe heute der Uhlmann (Björn) und frage ihn, wegen dem Abholen.

Ich denke er wird das machen, denn als meine Lady noch im Essig war, hat er zu mir gesagt " ich muss nur ein Wort sagen und er kommt sie holen".

Aber ich werd ihn sagen, dass du anrufen wirst. OK?

Gruss und an allen ein schönes Weekend

Alessandro

[Alessandro595]

@Corinne

Hallo, ich bin soeben zurück von der Austellung. Du kannst Björn anrufen für den Service und er wird deine Lady abholen. Wenn du anrufst, kannst du dich auf mich beziehen.

Gruss Alessandro