Schweizer Stammtisch??

[3-Zylinder]

Sali Martin,

wow gseht jo hammermässig us .

was hennd die DINGER kostet???

Mir schwiirt ebe au sit längerem au so öppis ume

ergo WAVE oder Braking

Gratuliere

^gruss Raffi

[Manowar]

@Madmax

He seht super geil us!!!! Wie Brämst sichs?

Triple Grüsse Pat

[Manowar]

Man isch das e lärm do ine.................

Bearbeitet 17. Februar 2004 von Manowar

[speedfreak.ch]

@Pat: Isch grausam, ich dänke's scho de ganz Tag...!

Gruess, Mischa

[slang]

@manowar

hesch mis pm becho gha?

gruss

serge

[cutf]

....ja, ja, es lärmet BRUTAL... han scho richtig chopfweh

Bin grad vomene verlängerte Wuchenänd us Mailand zrugg cho (als hett i suscht scho nöd gnueg Näbel gha!!!) ...na ja, wenigschtens wieder emal gschiid chöne ässe

@ Pat: Han mis Heck umbaut und möchts gern da zeige, wänn ich dir zwei ganz chliini Bilder schicke, hetsch du no Platz um diä uf dini Home-Page z'lade? Susch isch au nöd eso tragisch....

@ Slang: Stahts no wäg em Friitig?

Jungs, und natürli Mädels, wünsche en schöne Abig...

Mauro

[Manowar]

@Slang

Jo has PM becho, ha scho e Halter kauft.... Wie wänn mirs mache? Söll ichs eifach mitnäh wenn mir uns snägschtmol träffe?

@Mauro

Mailand? bisch an dr Wärmi gsi? Jo kasch mirs emol schigge, es söt irgendwie scho no go.... Aber die Site isch den nümm e so zum ärnscht näh.... Mi alti Speedy,im Alessandro si Daytona und dis Heck... Ich wird eh e neui Site den mache....

Schaad das ich nit an Töffusstellig cha go... Wird aber im März sowieso bim Ernes verbigo,Service Time und evtl. d felge Pulverbeschichte...

(Schwarz!!)

Triple Grüsse Pat

[slang]

@pat

chansch mer das teil jo de gä wenn e uf züri zum erne's chunsch, chöne denn jo öpis abmache und churz es bierli go ziehe.

scho mol beste dank im voruus.

@mauro

mit em friitig isch immer no ok? so um die drü, de oli chunt au. han no tickets wenn eis brüchtisch.

gruss

serge

[Manowar]

@Slang

jo isch guet,ich nimms zum Ernes mit... Das mit em Bierli tönt guet...

Triple Grüsse Pat

[Mädi955]

3-Zylinder;

... was hennd die DINGER kostet???

Manowar;

He seht super geil us!!!! Wie Brämst sichs?

@3-Zylinder

Dia 2 vordera und der hintere Wurfstern inkl. dazupassenda neue Beläg hend mi 549.84 kostet (exkl. Zoll).

@Manowar

I ka no nüt öber d Bremswörkig säga.

Mis Moped isch mir z Schad zum bi dena Strossaverhältniss (Salz, Dreck, etc.) im Winter gi Testa z go.

Nomol zum allgemeina bessera Verständnis:

BRAKING ist der "Erfinder" der Wave-Scheiben.

Wave-Bremsscheiben sind ein radikal neues Design mit vielen Eigenschaften, die sie von Standardscheiben unterscheiden.

Zunächst einmal verbessert der wellenförmige äußere Rand die Selbstreinigung von Belag und Scheibe.

Die Wellenform des äußeren Durchmessers und des inneren Randes der Scheibe ermöglichen, daß sich die Bremsscheibe ausdehnen kann, ohne sich zu verformen. Im Prinzip bleibt die Scheibe immer flach.

Weitere Vorteile der Wave-Bremsscheibe:

Starke Anfangs-Bremswirkung bei guter Modularität

Die Oberflächen der Bremsbeläge werden gleichmäßiger abgerieben

Der obere Rand der Scheibe kann mehr Wärme ableiten

Die Teile der Bremsscheibe können sich um den mittleren Umfang ausdehnen, ohne daß sich die Scheibe konisch verformt

Das Gewicht ist geringer als bei einer klassischen Bremsscheibe

Die kontinuierliche Änderung der Kontaktfläche zwischen Belägen und Scheibe verhindert ein Festfressen der Beläge.

[Alessandro595]

@slang

@Mauro

Wenn ich am drei noch Freitag an der Messe bin rufe ich an. OK?

Gruss Alessandro

[slang]

@alessandro

oki doki

[cutf]

@ Alessandro & Serge: Ja, ja, isch immer no guet. Serge, wär cool wänn no es Gratisticket au für mi hetsch Friitig am drü vor em Iigang?

Han no mit em Fabrice gredt, hät leider es Gschäftsässe, susch wär er au cho... aber, er hät gmeint, mir chönnted i zwei Wuche (dä Herr hät ebe en volle Terminkalender) mal in Züri in Usgang (öb Friitig oder Samschtig isch wurscht) wer wär debii?

@ Pat: Danke, es wär sowieso nöd für lang, so öppe zwei Wuche söttet lange, ich schicks dänn au no em GerT, dänn chan ers id Homepage ibinde...

Ich glaube, es wär mal Zyt, mir es bitli Webspace zue z'tue. Hät öpper Ahnig wo ich als Swissonline/Cablecom-Surfer da zu öppis gschiidem chume?

@ Martin: Nachteil Wave-Scheiben: Brämsbeläg werdet früeher abgnutzt, isch aber egal, will diä Schiibe eso heiss usgsehnd muesch eus dänn uf em laufende beträff Brämsqualität halte, gäll?

En schöne Abig allne zäme

Mauro

[Mädi955]

...

@ Martin: Nachteil Wave-Scheiben: Brämsbeläg werdet früeher abgnutzt, isch aber egal, will diä Schiibe eso heiss usgsehnd      muesch eus dänn uf em laufende beträff Brämsqualität halte, gäll?

En schöne Abig allne zäme

Mauro

@Mauro

Ja mach i gern. Gib Eu bscheid wias bremset .

So richtig viel Kilometer werd i das Johr aber leider ned fahra könna.

Ha ziemlich viel anders vor mir (Zügla,etc.) .

Aber zum einta oder andra Töff-Treffa gots sicher irgendwia.

@ALL

Wünsch Euch allna an guata, erfolgricha, schöna Tag .

[3-Zylinder]

Sali sali,

alles klaro,

ehm ha mal welle fröge wer vu euch hett im sinn kha, uf platte zgah a dae saison-eröffnig in loewestei??

Wenn mir ja es paar wäret, so choenntemer ja als CH-stammtisch ufchrüze oder.

Nur so e idee

gruess Raffi

[Alessandro595]

ehm ha mal welle fröge wer vu euch hett im sinn kha, uf platte zgah a dae saison-eröffnig in loewestei??

Wenn mir ja es paar wäret, so choenntemer ja als CH-stammtisch ufchrüze oder.

@Raffi

Gute Idee, aber eben *jammermodus on* Löwenstein ist ja so weit *jammermodus off*

[Nimara]

Sälü zämä

Bi wieder uferstange. Mi hett scho wieder so ä fiesi Grippe flachglei gha.

@Mauro

Nö hett sech nüt nöchers drus ergäh. Bi haut ou wählerisch.

@Raffi

Ig bi derbi!!!!! Aber wie scho einisch gseit, eifach we schüsch no öpper mitchunnt. Mah nid eleini dert ufe fahre.. Schwierig isch haut ou wägem Wätter... Meh sött ja Zimmer reserviere, aber was isch wenn's denn schneit oder so... Hmm...

Grussilein

Corinne

Bearbeitet 19. Februar 2004 von Nimara

[Mädi955]

Sali sali,

alles klaro,

ehm ha mal welle fröge wer vu euch hett im sinn kha, uf platte zgah a dae saison-eröffnig in loewestei??

Wenn mir ja es paar wäret, so choenntemer ja als CH-stammtisch ufchrüze oder.

Nur so e idee

gruess Raffi

Hoi Raffi

Wenns ned zkalt isch bini o dabei.

[Triple Fighter]

Gute Idee, aber eben *jammermodus on* Löwenstein ist ja so weit *jammermodus off*       

eieiei...dr Kerle isch bloss am jammern...

mensch Alessandro.....Löwenstein isch KULT

@ Martin....mer sieht sich am Sonntag

Bearbeitet 20. Februar 2004 von Triple Fighter

[Mädi955]

@TripleFigther

JOUUU Marco

Bin um 13.00Uhr auf alle Fälle auch am Triumph Stand in Halle Nr.2 Standnr. 241 .

Der Alessandro braucht einfach noch ein wenig Bedenkzeit was Löwenstein angeht .

Gell Alessandro .

[Alessandro595]

Der Alessandro braucht einfach noch ein wenig Bedenkzeit was Löwenstein angeht .

Gell Alessandro .

Ja Martin, ganz recht.

Ich denke einfach, was ist wenn es pisset wie die Sau??

Die Strecke an und für sich sollte kein Problem sein. Aber es ist ja noch nicht so weit.

@ All

Gester war ich an der Swiss Moto und es war wieder cool Oliver, Serge und Mauro zu treffen. Allen anderen wünsche ich ein schönes Wochenende.

Gruss Alessandro

[Merlin]

Hi Umphler!

Bi au wieder zrugg vo Skifahre und Jägertee trinke us em Wallis!

Wie isch d'Moto-Züri gsi?

Gli fangt ja Töff-Saison wieder a. Ich ha de Winter gseh, jetzt chan de Früehlig cho!

Es schöns Wuchendi a all!

Gruess

Andi

[3-Zylinder]

Aloha zäme,

bi grad vu dä Moto`zueri kho.

Isch pumpe volle gsie hesch müesse fascht aastoh

zum druff höckle na ja bi jedefalls noed lang bliibe aber shows die siii ganz guet gsie .

Wege dae saison eröffnig wärs ä idee alles churzfristig z`organisiere oder,

will wenn seicht,wotti noed unbedingt use fahre

@Mad Max Dini LED -Lampe am Heck was hett das für ä bezeichnig(nummere usw)

war froh wenn mir sie choenntsch duure geh wenn`s Dir kei grossi umständ macht

Mir schwirrt en gedanke durch dä chopf

ehm wa isch mit em Ducischreck los???scho lang nümm gseh da im forum

@all andere no en schoene sunntig

greetz RAF

[Nimara]

Hoi zämä

Ja Löwenstein müesst meh äuä churzfrischtig plane... Wöu wes denn schneit oder schiffet, bi ig sicher nid derbi. Aber wie geit äch das mit dä Zimmer? Im Vorus reserviere, oder de eifach äs par Tag vorhär uf guet Glück alüte...?

Bi geschter ar Swiss Moto gsi, hett ou mega viu Lüt gha. Das ganze hett mi nid so überzügt, aber äs isch luschtig gsi chli uf dä verschiedene Töffli z höckle.

Am Triumph-Stand bi ig sogar no am Fabrice übere Wäg gloffe! Fabrice, hett mi gfreut di wieder mau z gseh, hoffe du luegsch wieder mau hie im Forum verbi!

Juhui, dä Donnschti geit mini Speedy i Service, nähr cha de dr Früehlig cho!

Liebi Grüessli

Corinne

[Mädi955]

...

@ Martin....mer sieht sich am Sonntag  

@Marco

Sorry wegen heute Sonntag.

Ich bin gestern abend an die Fasnacht und habs etwas übertrieben .

Naja Du weisst ja wie ist wenns läuft dann läufts halt .

@Raffi

Leider kenn ich die genaue Bezeichnung meines LED Rücklichts ned genau.

Es hat 17 Leuchtdioden, beinhaltet keine Nummernschildbeleuchtung und ist etwas oval wie Du gesehen hast.

Frag einfach bei den Streetfighters in Interlaken nach.

Von dort hab ich das Licht her.