Schweizer Stammtisch??

[Funman]

hallo leute

ich weiss, es ist ein t-forum und ich selbst fahre keine harley a.k.a. milwaukee-schrott ...aber evtl. naja bekannte/verwandte/usw. von euch. sie sollten sich das mal anschauen:

http://www.101-harley.ch/

und NEIN, ich gehe da nicht hin!

[Alessandro595]

Tach auch

wollte mich auch kurz mal einklinken

Ich wohne in Luzern und wäre bei einigen Unternehmungen sicher mit dabei

Wie ist denn so der aktuelle Stand der Dinge?? (will ja nicht alle 164 Seiten lesen )

Hey Speedy G

Willkommen im Club und im CH Stammtisch.

Geile Homepage hast du

Gruss Alessandro

[SpeedyG.]

Danke

[Manowar]

Willkomme im Club SpeedyG...

Triple Grüsse Pat

[kneegrinder]

Sälü zäme,

ha mi ja scho im Forum vorgschteut u möcht itz das bim Stammtisch ou no nachehole.

Ha sit Afangs Juni e Speed Triple Black Edition, u derfür mini Sugi SV 650 ituscht.

Ig ha se bim Ryter z`Reichebach kouft, er het haut ou Sugi u isch am beschte gange mit itusche.

Speedy het e gwüssnigigs Suchtpotential u ha scho 2`300km hinger mer! Ab morn wirds no meh, ga für 4 Tag i Dolomite!

Ha eigentlech d`Prüfig ersch sit 1 Jahr, bi aber vorhär 2 Jahr mit em Lehrfahruswis umegondelt. Ha denn no e Honda Shadow gha, bis ig de mau em Brüetsch sini Ducati gfahre bi u ha gmerkt das d`Chopperfahre nüt isch für mi! Dr Adrenalinspiegel geit eifacher höcher mit em ne Naked Bike!

Auso ha ni letscht Jahr e SV kouft, mit dere 15`000 km abgschpulet, u das Jahr eifach dr Wunsch nach meh Punsch gha. Wet aber d`SV nid misse, we ni d`Speedy vo Afang a hät gha, hät ig se sicher a ne Wang gsetzt bi däm Power!

Bruflich bi ni Installationsleiter bi dr Firma Müller Martini Zofige! Bi normalerwis viu ungerwägs, meischtens z`Europa. Bi aber scho uf aune Kontinente am schaffe gsi.

Zum Glück hei mer momentan e chlli es Uftragsloch, u ig ha Zyt miner Überzyte abzboue und ufe Töff z`hocke!

Dehei bi ni z`Burgdorf BE, genau wi dr Funman, u bi ne wöschächte Bärner! So richtig mit langsam rede u so!

Öhm, i gloub das längt fürs erschte

[Merlin]

Hallo SpeedyG und Kneegrinder

Willkome bi de Schwizer am Stammtisch!

@SpeedyG: Häsch schöni Vierbeiner! Ich wett ich hett mini zwei Racker au no!

[speedfreak.ch]

Willkomme bi üs im Stammtisch SpeedyG. und Kneegrinder!

[speedfreak.ch]

500!

[Nimara]

Hallo zämä

Obwohl ig ou ke Harley fahre - ig bi am 101 Jahr Harley ganz sicher derbi. Verchehre drum vorwiegend i dene "Kreise"....

@SpeedyG und Kneegrinder

Härzlech willkomme!

Kneegrinder, de sötte mir ja fasch mau äs Usfährtli mache, bi ou vo Bärn Umgäbig.

@TripleFighter

Hab mich in erster Linie vom optischen her für den Scorpion entschieden. Den Sound find ich aber auch geil. BOS wäre sicher auch was gewesen, aber sind die nicht schweinteuer...? Na ich bin auf alle Fälle gespannt, bis jetzt hab ich den Auspuff noch nicht.

Grüessli

Corinne

[Funman]

@Nimara

Dr Scorpion-Topf gani am nöchste Donnschtig (1.7.2004) go hole.

Dr Länker isch immer no nid do. Ma itz aber nümme warte.

Darfsch de süsch dr Topf mou z Burgdorf cho "probelose".

BOS hani ou no überleit. Isch nid vieu tüürer, gfaut mir aber weniger guet vor Optik. Usserdäm het mir kei Händler chönne säge, öb dr BOS ou ir Schwiz zueglo und typeprüeft uf d Speedy isch. Das isch bi Scorpion dr gross Vorteil.

Ah jo, chas nid verkneiffe...Harley isch doch irgendwie Für so steiaute Schrott so vieu Gäud härelege? Nie im Läbe! Ig würd de weni scho ä cruiser wet sicher die nöi Triumph Rocket III inezieh! das isch style und technologie! die het scho bi 1000rpm meh drähimomänt aus jede harley uf optimale rpm-zahle

Bearbeitet 24. Juni 2004 von Funman

[Nimara]

@Funman

Hoffe doch dasi bis denn mi Topf ou ha! Mues de morn mau alüte.

Doch - auso ä Harley wär scho mi Troum... So ne richtig schöni, breiti Fat Boy mit T-Länker... uiuiui... Na irgendeinisch viellech. So als Zwöit-Töff zur Speedy.

D Rocket III isch natürlech ou dr Hammer, ha grad im neuschte MOTORRAD dr Bricht gläse. Diä hett scho no Style.

[ospot]

Ah jo, chas nid verkneiffe...Harley isch doch irgendwie    Für so steiaute Schrott so vieu Gäud härelege?

hmm ... meinsch du söttige steiaute schrott ('35) ?:

100% pure harley, 100% pure bike, 100% pures fahrfeeling ... ond met gäld sowieso ned z'bezahle

rocket III ... weiss also ned

greetz

ps: i oute mi jetzt somit also au als harley fahrer

[speedfreak.ch]

@ospot: Das nenn ich mal en richtig schöni Harley! Respekt!

[Funman]

na ja, ig ha eigentlich gmeint, dass IG nie würd ä harley choufe. mir gfaut das aute züg zwar no guet aber zum fahre cha das nüd si. wenn scho de ä auti triumph!

apropos gfaue...was meinet dir zu dere harley?

die steit mängisch bi üsere bude vorusse!

[ospot]

...aber zum fahre cha das nüd si

chonnt also drof a; empfehle allne am 21.-24.sept 2006 as klausenrennen memorial z'go, det gsesch wie das öppis sie chan be am letschte rönne det gsi ond han nachher gwösst, dassi au no so öppis alts wet

es get lüt die säged, das neue töfflizügs seig nüt ... fahrt wie of schene ... me gspürt d'stross gar nöm ... power, wo mer eh nie bruucht ... etc, halt gschmacksach

wenn scho de ä auti triumph!

genau t300, das einzig wahre vo dem neuere triumph zügs

[aeschbi]

guete morge zämme

@ funman

auso wäge de links, i ha mir wären em langwillige em-spüu dütschland tschechie mir dür die linklischta klikt. under sonstiges => links => pflichtlektüre u det hets o ging gueti links für näi witter. i ha mir ganzklar haut uf st site verklickt

@all

das mit de chopper ha i de jugend o usprobiert jetzt bin i zaut für soepis i bi umgstige uf triumph t-bird u näi uf st macht definitiv u ohni telephonjocker meeh spass

tschüss

[Fröschli]

@all

wenn ihr schon bei alten Motorrädern seit

hier auch noch was für’s Auge

am 14. und 15. August 2004 in Hittnau/ZH

mehr könnt ihr hier sehen

www.oldtimerclassic.ch

@funmann

Fahre über dieses Weekend zum Sonnenkopf

ich kann’s nur empfehlen ..

wünsche allen ein schönes Wochenende

[SpeedyG.]

Moin Leute

habe Gestern in Giswil (OW) zwei Speedy-Fahrer gesehen (schwarze) - einer hatte ein "L" hinten dran.

War da jemand von Euch da???

P.S. ist doch cool, wenn der "Nachwuchs" schon mit ner Triple anfängt

[Funman]

@SpeedyG.

ich war's ned!

@all

war gestern auf dem glaubenberg am blutspende-weekend. mir sind dann beim zurückfahren durchs entlebuch nach burgdorf 2 jetblack speed triples (einer mit sozius) entgegengekommen...aber trotz meines winkens bis zum arm- und handausfall hielt es keiner von den zwei für nötig zu grüssen!

etwas mehr grussdisziplin wäre doch schön! ich möchte nicht plötzlich hören, dass wir als triumph-treiber arrogant sind!

gruss,

funman

[SpeedyG.]

AmSonntag sind mir 2 pinke Speedys auf der Strecke zum Gotthard hoch entgegengekommen - haben uns sogar gegrüsst - war da jemand von Euch dabei?

Und aufm Grimsel die grüne mit der Geilen Underseatanlage - wer war das?

Geiler Sound hatte die - vielleicht kann dieser mir ja mal die Marke/Preis und Erfahrungen, ob der Soziussitz schon geschmolzen ist durchgeben...

[kneegrinder]

Sälü Zäme,

bi mir isch dr Hingerfinke scho baud düre! U das mau grad nach 4`000 Km! Na ja, bi ja ou nid grad criuset!

1. Frag: Muess dr Reife im ganze Umfang 1.6mm Profiltiefe ha? Di Verschleissmarkierige si ir Mitte scho akätschet, aber nid aui! Söui glich wächsle?

2. Frag: Die berühmt berüchtigti Frag: Wele söui nä? Bi mit em Bt10 nit so schlächt zfriede gsi, obwou ig es paar mau grütscht bi!

3: Frag: Vertrage sich di verschiedini Reife? Vore isch er ja no nid düre!

So gnue gfragt u merci afa für d`Antworte!

[Merlin]

Sälü Zäme,

bi mir isch dr Hingerfinke scho baud düre! U das mau grad nach 4`000 Km! Na ja, bi ja ou nid grad criuset!

1. Frag: Muess dr Reife im ganze Umfang 1.6mm Profiltiefe ha? Di Verschleissmarkierige si ir Mitte scho akätschet, aber nid aui! Söui glich wächsle?

Mmm, das müesst i abkläre, aber ich würd säge, wenn er a einer Stell drunder isch, dann chas kristisch werde mit de

2. Frag: Die berühmt berüchtigti Frag: Wele söui nä? Bi mit em Bt10 nit so schlächt zfriede gsi, obwou ig es paar mau grütscht bi!

Also ich fahr au mit em BT10 ume. Han aber no nie en andere uf minere Tona gha.

3: Frag: Vertrage sich di verschiedini Reife? Vore isch er ja no nid düre!

Wenns de glich (Typ) isch, dänn sötts keis Problem si. Wies aber usgseht wenn hine en Michelin und vorne en Bridgstone druf häsch, weiss i nöd!

So gnue gfragt u merci afa für d`Antworte!

Bitte!

So jetzt aber mal a die andere:

@ Alessandro, Mischa, Robin, Mauro, Mario, Pat, Martin,.....:

Sind ihr i de Ferie? Oder sind all am umeschrube und händ kei Ziit me fürs Forum oder wieso liesst mer nüd meh vo eu?

Bearbeitet 30. Juni 2004 von Merlin

[Funman]

@merlin

ha mini persönliche empfählige i sache pneu äm kneegrinder scho persönlich und sehrsehr usfüehrlich per mail gschickt.

ig bi auso mire pflicht als fründliche t-fahrer nochecho! nämlich! *grinsegrins*

[kneegrinder]

Sälü zäme,

nachdem ig mini Speedy am Mittwuch no schnäu übere Glaubebühl, Brünig, Suschte, Furka, Grimsel, Glaubeberg u Schalleberg triebe ha, isch er hinger im illegale Bereich düre gsi. Leider isch es de vore ou nache gsi (a de Flanke)

Uf gnue uche ha ni e brutali Sägezahnbiudig vore wi hinger gha!

Nid nome dass dr BT10 wes chli nass isch, ke Grip me het, die Sägezahnbiudig isch lut mim Händler, de Bridgestone Fritze scho länger bekannt, u chunnt bi mir sicher nöme druf!!

Obwou dr Funman mit sire usführliche Email für e Pilot Road gschproche het, ha mi bim Händler zum ne Continental Road Attack la überschnure!

Continental Road Attack

Ha d`Speedy när übere Schalleberg triebe, u obwou dass bi nöie Reife eh gäng besser isch, ha ni es sou guts Gfüehl bi däm Road Attack.

Kläbt guet, guets Ilenkverhaute u ig ha sofort es Vertroue chönne i dä Pneu entwickle!

Für detaillierte Brichte ha bi ni no zweni gfahre, u villech fäut mer eh e chli d`Erfahrig dass ig mit Fachusdrück chönnt um mi ume wärfe!

I de Teschts het der Road Attack nid grad überzügt

Kurzübersicht Test

für mi stimmts aber im Moment!

Auso di Sach isch gässe, bi aber bi eventuelle positive oder negative Bemerkige zum Pneu, siggs itz zum Conti oder nit, dankbar

E hiube

[Merlin]

Also ich bi mit em BT10 zfriede! Uf de Rennstrecki in Anneau du rhin chlebet de wie en Kaugummi. Aber mir sind ja nöd immer uf de Piste unterwägs!